Праект партала
Дома
12.09.2019 / 14:42
Што пакласці дзіцяці ў ссабойку ў школу? Раіць дыетолаг5

Як павінна выглядаць ссабойка школьніка і ці месца ў ёй бутэрбродам, расказвае дыетолаг-эндакрынолаг Вольга Аўчыннікава.

Дыетолаг-эндакрынолаг Вольга Аўчыннікава.

«Вельмі важна, каб ссабойка складалася з прадуктаў, якія падабаюцца дзіцяці, каб прадукты не хутка псаваліся, былі надзейна запакаваны, без рызыкі запэцкаць рукзак і каб яе было зручна есці ва ўмовах школы. Напрыклад, не кожнаму школьніку будзе камфортна дастаць слоічак супу. Не лепшым варыянтам будзе штосьці з выразным пахам (напрыклад, адварныя яйкі)», — кажа доктарка.

Калі дзіця снедае ў школе і будзе абедаць дома, то садавіны (яблыка ці грушы) і жмені арэхаў будзе цалкам дастаткова. Таксама добрым варыянтам будзе невялікая ўпакоўка грэчаскага ёгурту ці тваражок (толькі не глазіраваны сырок).

Калі абед дома не плануецца, то для ссабойкі трэба прадугледзець больш сытны варыянт. Падыдзе карысны бутэрброд: замест белага батона — жытнёвы хлеб (для разнастайнасці можна лаваш), замест кілбасы — запечаныя курыныя грудкі (або індычку, рыбу, сыр) і абавязкова гародніну і зеляніну. Масла часам можна замяняць на авакада. Такі карысны бутэрброд будзе вельмі апетытным і зручным.

Фота abra.by.

Калі дзіця ў школе не снедае, то пакладзіце яму з сабой кашу (напрыклад, аўсяную) з дабаўленнем фруктаў, ягад, сухафруктаў ці арэхаў.

Nina.nn.by

Каментары
Ляксей / Адказаць 12.09.2019 / 18:57

А навошта такое жыццё калі нават паесці нармальна нельга)) Дахалеры гэтых псіхолагаў-дыетолагаў развялося, знайдзіце карысную для грамадства працу ;)

8
хамса / Адказаць 12.09.2019 / 21:04

дарэчы, грэчка добра гатуецца ў тэрмасе (з шырокім горлам канечне - каб зручна было есці) - проста заліць кіпенем крупы, дадаўшы масла, і ўсё - праз пару гадзін гатова.. гэта і карысна - бо не варыцца.. іншая крупа так не прыгатуецца (не разварыцца) у тэрмасе.. толькі грэчка

2
Свободный / Адказаць 12.09.2019 / 22:27

Ляксей, навошта?) На благо другого народа самоизбранных

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура