Праект партала
Навокал
07.08.2019 / 14:39
Беларуска расказала пра школу ў Каліфорніі і выклікала шквал эмоцый30

Пра тое, як бацькі рыхтуюцца да школы за акіянам, падзялілася ў сваім фэйсбуку Вольга Кіндзель. Запіс сабраў сотні рэпостаў. Людзі захапляюцца адсутнасцю фармальнасцей і «абавязалаўкі».

«Праз 2 тыдні мае дзеці зноў пойдуць у школу ў самай капіталістычнай краіне свету, — піша Вольга Кіндзель. — Ведаеце, колькі грошай мы забілі ў бюджэт на гэтую падзею? Нуль! Поўны круглы нуль!

Мы надзенем святочныя шорты, кеды і яркія футболкі. Ну тынэйджар, напэўна, пойдзе ў модных штанах тыпу калготкі. І ўсё! Мы гатовыя! Добры дзень, школа!

Усе сшыткі, падручнікі, ручкі, алоўкі, фламастары ўжо будуць чакаць нас на партах. Не, гэта не бясплатна. Я жыву ў сваім горадзе і маю права вадзіць дзяцей у школу менавіта тут, таму што плачу гораду падаткі, на якія ўтрымліваюцца дарогі, паркі, спартыўныя пляцоўкі, басейны, школы і многае іншае. Я плачу высокія падаткі (дарэчы, працэнтна ніжэйшыя, чым у Беларусі), але бачу, куды яны ідуць.

Калі я раптам вырашу дапамагчы нашай школе, я магу сама купіць прыналежнасці па спісах на сайце або выпісаць чэк. Але гэта будзе мой выбар!

Ці ёсць у Каліфорніі школьныя паборы? Ёсць. Быццам бы ёсць. І гэта вельмі крутая сістэма. Вельмі. Я напішу пра яе асобна зусім хутка.

Ах, так! У школу патрэбныя заплечнікі. Нашы леташнія ў выдатным стане. Таму што насілі мы ў іх толькі абеды і папачкі з хатнімі заданнямі. Новыя цяпер усюды ад $10. За 15—20 можна ўзяць ўзроўню JanSport. І гэта адзінае, што трэба набыць да навучальнага года.

Калі вы не гатовыя купляць новы заплечнік, таксама ёсць выйсце. На днях са школы прыйшоў email з карыснымі датамі і нагадваннямі. У гэтым жа лісце асобны пункт: «Калі ваш школьнік мае патрэбу ў заплечніку, адпраўце адказам на гэты ліст запыт з указаннем імя і прозвішча дзіцяці, і ён атрымае адзін з заплечнікаў, падораных такой і такой фірмай».

І ніякіх убогіх поліэтыленавых касцюмаў. Ніякіх банкаўскіх крэдытаў «Збяры дзіця ў школу». Ніякіх тон непатрэбных папачак і вокладак.

На вакацыях мы праязджалі міма школы, Даня ўбачыў машыну дырэктара (на фота) і папрасіў зайсці to say hi.

Ніякага дзяжурнага hi мы не атрымалі.

Дырэктар кружыў Даню хвілін 40 па ўсёй школе, паказаў яму класы другой паралелі, новыя iPads і станцыю для іх масавай зарадкі. У сябе ў кабінеце распавёў гісторыі розных рэчаў, ад бейсбольнай біты ў куце і спартыўнага дыванка, да сваіх дзіцячых фатаграфій на сцяне і дыплома пачатковай школы, паказаў розныя прызы, якія можна будзе атрымаць у новым годзе за старанні ў вучобе.

Потым пасадзіў Даню за свой стол і папрасіў сфатаграфаваць, каб адправіць фота нашай настаўніцы. Яшчэ і мне яго даслаў. Як вы думаеце, маё дзіця пойдзе з задавальненнем у школу?» — цешыцца Вольга Кіндзель.

Вольга Кіндзель, facebook.com

Каментары
Мікола / Адказаць 07.08.2019 / 15:21

Не хачу ліць бруд, але магу адказаць толькі адно -- яна карыстаецца тым што пабудавалі канадцы для сябе, яна прыехала і карыстаецца. Хай зыпытае сябе ў чым яе заслуга што такая сістэма існуе? Што ёй ласкава дазволілі карыстацца створаным іншымі людзьмі?

152
Законопослушный гражданин / Адказаць 07.08.2019 / 15:26

Ох уж этот загнивающий запад)

9
Мімаходзь / Адказаць 07.08.2019 / 15:36

Экзістанцыйны шок.

8
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура