Праект партала
Гісторыі
02.04.2019 / 15:32
«Усюды баяліся нас». Як бег змяніў жыццё мамы і сына з аўтызмам1

Мікіту Дробату 23, і ў яго аўтызм. Ён марыць прабегчы паўмарафон. А мама Галіна падтрымлівае яго ў пачынаннях: на дваіх з сынам у іх ужо 21 медаль з розных спаборніцтваў. Як бег дапамог сям’і ўключыцца ў актыўнае жыццё, распавядае Руская служба ВВС.

Хлопец любіў бегаць з ранняга дзяцінства, але не мог трапіць ні ў адну секцыю.

— Калі Мікіта быў падлеткам, мы хацелі пайсці кудысьці займацца, але ўсюды баяліся нас, — узгадвае мама Галіна Дробат.

Дыягназ яе сыну паставілі ў тры гады. Хлопчык практычна не размаўляў у дзяцінстве: людзям з аўтызмам складана камунікаваць са знешнім светам.

— Быў страх за будучыню, за сябе — ці спраўлюся я, — прызнаецца Галіна. — Вельмі шмат дзяцей жывуць у закрытых сценах, таму і бацькам вельмі цяжка.

Жыццё гэтай сям’і змяніў бег. Мікіта і Галіна прыйшлі ў спартыўны клуб «Крылы анёлаў». «Анёламі» ў камандзе называюць людзей з інваліднасцю, а «крыламі» — тых, хто дапамае ім бегчы: членаў сям’і ці валанцёраў.

— Мы зрабілі добры вынік, я ганаруся мамай, — кажа Мікіта.

Каментары
Казік / Адказаць 02.04.2019 / 20:39

Добрая справа! Дарэчы, арганізатар гэтага спартыўнага клуба - бацька з хворай дачкой, на якога з нажом напаў уласны сын. Вось так, дапамагае іншым, а ад сына пацярпеў.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура