Бундэстаг прыняў закон, паводле якога ва ўсіх афіцыйных дакументах, уключаючы пасведчанне аб нараджэнні, з'явіцца трэці варыянт у графе «пол», паведамляе нямецкая газета FAZ.

Магчымасць пазначыць у пасведчанні аб нараджэнні не мужчынскі або жаночы, а «іншы» пол прадугледжана для людзей, якія нарадзіліся гермафрадытамі. Акрамя таго, па законе можна будзе памяняць пол у дакуменце заднім лікам — у тым выпадку, калі першапачаткова ён быў пазначаны няправільна. У гэтым выпадку можна будзе памяняць і імя, абранае бацькамі пры нараджэнні. Для змен у дакументах спатрэбіцца даведка ад доктара.