yle.fi

Урачысты прэзідэнцкі прыём з нагоды Дня Незалежнасці Фінляндыі, што адзначаецца 6 снежня, у гэтым годзе пройдзе пад знакам аховы прыроды. Экалагічная тэма, у прыватнасці, будзе адлюстравана ў стравах і упрыгожваннях. У ліку запрошаных будуць фіны, якія шмат зрабілі на карысць клімату і экалогіі, паведамляе yle.fi.

Вячэрняя сукенка першай лэдзі Ені Хаукіа таксама будзе адпавядаць тэме прыёму. Яна зроблена паводле экалагічнай тэхналогіі ioncell, распрацаванай у Універсітэце Аалто. Дадзены метад, як паведамляюць ва ўніверсітэце, дазваляе вырабляць тэкстыль з драўніны і другаснай сыравіны.

Што тычыцца канкрэтна сукенкі Хаукіа, то тэкстыль для яе зроблены з фінскай бярозы.