Праект партала
Навокал
29.10.2018 / 12:09
Японская прынцэса выйшла замуж за прасталюдзіна ФОТА24

Japan Today

Японская прынцэса Аяка Такамада, стрыечная пляменніца імператара Японіі Акіхіта, выйшла замуж за простага чалавека Кея Морыя і страціла свой статус. Пра гэта паведаміў інфармацыйны партал Japan Today.

Цырымонія прайшла ў храме Мэйдзі ў Токіа — найбуйнейшай святыні ў горадзе. Падчас цырымоніі жаніх і нявеста разам выпілі сакэ з трох кубкаў паводле сінтаісцкага рытуалу і абмяняліся пярсцёнкамі паводле заходняга звычаю на вачах у 30 гасцей. 28-гадовая нявеста была ўбрана і прычасана ў стылі перыяду Хэян (з 794 па 1185 гады).

Прынцэса развіталася з імператарам Акіхіта на мінулым тыдні. Яна выказала надзею, што зможа дапамагаць яму і яго жонцы як былы член сям'і.

У японскай імператарскай сям'і мужчыны могуць ажаніцца з прасталюдзінкай, якія за кошт гэтага атрымліваюць імператарскі статус. Калі ж жанчына выходзіць замуж не за прадстаўніка дваранства, яна абавязана адмовіцца ад свайго статусу.

«Я перапоўнена шчасцем», — прызналася дзяўчына журналістам.

Каментары
Ролтон / Адказаць 29.10.2018 / 12:31

Як жэ гэта не па нашэму не по бэрэсээмовски!

6
ЯНКА / Адказаць 29.10.2018 / 13:44

🇯🇵 Але ж... Японскі прасталюдзін для нашай «баршчаваркі» ўжо прынц. 🎎

9
Guinness / Адказаць 29.10.2018 / 13:49

Усё слушна зрабіла. Лепей здаровыя дзеткі чым радаслоўная. А дзеткі сваю радаслоўную напішуць.

7
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура