Праект партала
Дома
12.10.2018 / 22:38
Па рэцэпце матулі: сакавітыя фаршыраваныя перцы45

Надыходзіць Дзень маці, і, канечне, нам хочацца падарыць сваім матулям нешта класнае. Можа, новы шалік, патэльню ці яшчэ што-небудзь? Насамрэч, галоўны падарунак для нашых матуль — гэта калі мы прыязджаем у госці, сядаем з імі за стол і смакуем стравы, прыгатаваныя з цеплынёй і клопатам.

Толькі цяпер я ўсведамляю, як гэта было непрыемна, калі я ў дзяцінстве адмаўлялася есці тое, што прыгатавала мама. А ворагам нумар адзін для мяне былі фаршыраваныя перцы і галубцы. Глядзець на іх не магла.

Але сёння, калі я прыязджаю да маці і яна ставіць перад намі талерку з фаршыраванымі перцамі, мяне складана ад іх адцягнуць. Пакаштуйце і вы!

На 4 порцыі:

  • 8 сярэдніх перцаў;
  • 400 гр. фаршу свініна-курыца;
  • 0,5 шклянкі рысу;
  • 1 цыбуліна;
  • 1 морквіна;
  • некалькі галінак пятрушкі;
  • 2 ст. л. алею;
  • 50 гр. таматнай пасты
  • 1 шклянка смятаны;
  • соль;
  • перац.

Перцы мыем і акуратна зразаем верх, прыбіраем насенне. Перцы варым у кіпні хвілін 7, дастаём і абліваем халоднай вадой.

Рыс трэба зварыць да паўгатоўнасці (прыкладна 8 хвілін) у салёнай вадзе. Цыбулю здрабняем, моркву тром на тарцы. Пятрушку дробна сячом.

На патэльні разаграваем алей, смажым цыбулю і моркву.

Змешваем фарш, рыс, моркву і цыбулю, дадаем соль і перац. Добра перамешваем. Напаўняем перцы начынкай і укладваем іх у каструлю дзірачкай уверх. Змешваем таматную пасту са смятанай і шклянкай цёплай вады, солім, заліваем сумессю перцы. Накрываем накрыўкай і тушым на маленькім агні хвілін 40. Падаём са смятанай.

Смачна есці!

Можаце паспрабаваць зрабіць і посны варыянт начынкі. Для гэтага мяса замяняем прыгатаваным булгурам, рыс не дадаём. Або робім начынку з рысу, морквы і кмену.

Вольга Чарнова, фота аўтаркі

Каментары
хамса / Адказаць 12.10.2018 / 22:45

'Толькі цяпер я ўсведамляю, як гэта было непрыемна, калі я ў дзяцінстве адмаўлялася есці тое, што прыгатавала мама.' гэта пасля абмеркавання мінулай стравы - гарохавага супчыку без вэнджанага мяса?)

4
хамса / Адказаць 12.10.2018 / 22:46

а што - ужо субота? вы ж па суботах рэцэпты выдавалі

5
да ярка я / Адказаць 12.10.2018 / 22:55

нацюрморт зноў прыгожы) люблю такое рознакаляровае яркае.. і гэтыя падвялыя астры, старая фанера.. нібы восень і ў той жа час мексіканскае лета)

4
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура