Жонка прэзідэнта ЗША Меланія Трамп, якая не з'яўляецца на публіцы з моманту нядаўняй аперацыі, публічна спыніла чуткі пра сваё здароўе і шлюб.
У інтэрнэце пачалі цыркуляваць здагадкі, што першая лэдзі вярнулася ў Нью-Ёрк са сваім сынам Бэранам, ці што яна пагадзілася прыняць удзел у расследаванні спецпракурора Роберта Мюлера. Пісалася таксама, што яна пакінула Белы дом і зараз жыве з бацькамі ў Вашынгтоне.
Апошні раз яе бачылі разам з Дональдам Трампам 20 дзён таму на цырымоніі сустрэчы трох амерыканскіх вязняў, якія вярнуліся ў ЗША пасля заключэння ў Паўночнай Карэі.
«Будзьце ўпэўненыя, я тут у Белым доме з маёй сям'ёй», - гаворыцца ў яе афіцыйным акаўнце ў «Твітэры»
.Да гэтага Белы дом ужо заявіў, што адносіны пары Трампаў моцныя як ніколі.
14 мая Белы дом заявіў, што 48-гадовая Меланія Трамп была шпіталізавана для працэдуры эмбалізацыі нырачнай артэрыі для лячэння дабраякаснага наватвора.
«Аперацыя прайшла паспяхова, ускладненняў не было», - паведаміў Белы дом пасля яе выпіскі 20 мая.
Але пяці дзён, праведзеных у лякарні, аказалася дастаткова для ўзнікнення плётак.