Праект газеты
Навокал У Ісландыі будуць штрафаваць кампаніі, якія плацяць жанчынам менш4

У Ісландыі цяпер законам забаронена плаціць жанчынам менш, чым мужчынам за тую ж працу, паведамляе currenttime.tv.

У студзені 2018 у Ісландыі ўступіў у сілу першы ў свеце закон аб роўнай аплаце працы для мужчын і жанчын за аднолькавую працу. Паводле новага закона, з гэтага часу кампаніі, у якіх працуюць больш за 25 чалавек, абавязаны праходзіць спецыяльную сертыфікацыю і пацвярджаць, што яны прапануюць роўную аплату для мужчын і жанчын на аднолькавых пазіцыях.

Калі кампаніі будуць парушаць закон або спозняцца з праходжаннем сертыфікацыі, на іх могуць накладвацца штрафы, сума якіх будзе ўзрастаць штодня. Штраф, у залежнасці ад рашэння суда, можа дасягаць 50000 ісландскіх крон за дзень, гэта каля $480. Апроч іншага, закон уводзіць больш жорсткія патрабаванні да прадухілення дамаганняў і дыскрымінацыі на працоўным месцы.

Цалкам пазбавіцца ад гендарнай розніцы ў аплаце Ісландыя плануе да 2022 года.

Ісландыя ўжо некалькі гадоў запар займае першае месца ў глабальным індэксе гендарнай роўнасці, які штогод з 2006-га публікуе Сусветны эканамічны інстытут.

У 2017 годзе ў яго ўключаны 144 краіны. Усе яны выбудаваны па змяншэнні індэкса роўнасці. Ён вызначаецца ад нуля да адзінкі, дзе нуль азначае бяспраўе аднаго з полаў, а адзінка — поўную роўнасць.

У пяцёрку самых раўнапраўных краін увайшлі:

  • Ісландыя (1 месца)
  • Нарвегія (2 месца)
  • Фінляндыя (3 месца)
  • Руанда (4 месца)
  • Швецыя (5 месца)

У канцы спісу аказаліся:

  • Іран (140 месца)
  • Чад (141 месца)
  • Сірыя (142 месца)
  • Пакістан (143 месца)
  • Емен (144 месца)
Каментары
Генэрал Голад / Адказаць 08.01.2018 / 12:02

"У пяцёрку самых раўнапраўных краін увайшлі: Ісландыя, Нарвегія...У канцы спісу аказаліся: Іран, Пакістан ... " Я ўсё разумею пра роўныя правы, аднаго не разумею: чаму жанчын у Ісландыі і Нарвегіі гвалтуюць на вуліцах, а ў Іране і Пакістане - не?

4
Ян-Севярын Бакей / Адказаць 08.01.2018 / 15:13

Неяк яно, ведаеце, ...у кампаніі "гендэрна-роўных" скандынаваў .. Руанда? Там што, аднолькава прыніжаюць жанчын і мужчын?

0
Axel Justas / Адказаць 09.01.2018 / 06:01

Генэрал Голад, бо ў Іране і Пакістане жанчынам на вуліцу ўвогуле выходзіць не дазволена. Іх гвалтуць дома і цалкам законна.

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура