На стварэнне новай мадэлі лялькі вытворцаў натхніла амерыканская шаблістка Ібтыхадж Мухамад, якая першай выступіла на Алімпіядзе з пакрытай галавой.

Мухамад заявіла, што кампанія Mattel, якая вырабляе цацкі, ажыццявіла яе дзіцячую мару: «Я ганаруся тым, што маленькія дзяўчынкі могуць гуляць з Барбі, якая добраахвотна носіць хіджаб».

Ібтыхадж Мухамад. Фота AFP.

Акрамя традыцыйнай хусткі, лялька, створаная па падабенстве з алімпійскай бронзавай медалісткай, апранутая ў спартыўны касцюм, ёсць у яе і шлем з рапірай. У продаж яна паступіць у 2018 годзе.

Nina.nn.by