Выканаўца адной з галоўных роляў у серыяле «Гульня тронаў», брытанская актрыса Лена Хідзі (Сэрсэя Ланістэр) абвінаваціла ўплывовага галівудскага прадзюсара Харві Вайнштэйна ў дамаганнях. Яна распавяла, што «адчувала сябе бездапаможнай» перад ім.
Лена Хідзі. Фота games-of-thrones.ru.
Галівудскі магнат быў раз'юшаны пасля таго, як яна адмовіла яму ў інтымнай сувязі, распавяла актрыса ў сваім твітары.
Лена Хідзі папоўніла спіс з амаль 40 жанчын, якія абвінавацілі Вайнштэйна ў дамаганнях або сэксуальным гвалце.
Харві Вайштэйна абвінавачваюць у згвалтаваннях і дамаганнях. Вайнштэйн «безумоўна адмаўляе» любыя падобныя абвінавачванні і настойвае, што «ўсе адносіны адбываліся па ўзаемнай згодзе».