Праект газеты
Дома «Не прасі прабачэння». Маці напісала жыццёвы ліст сваёй пяцігадовай дачцэ24

Блогерка Тоні Хамер надрукавала ліст да сваёй пяцігадовай дачкі Ліліян, дзе коратка тлумачыць, што ў жыцці насамрэч важна, а на што не варта звяртаць увагі. Гэты допіс у фэйсбуку за тыдзень перапосцілі амаль сем тысяч разоў.

Маёй дачцэ.

Не прасі прабачэння, калі хтосьці ўрэжацца ў цябе на вуліцы.

Не кажы: «Прабачце, што турбую». Ты не турбуеш. Ты асоба са сваімі думкамі і пачуццямі і заслугоўваеш павагі.

Не прыдумляй прычыны, чаму ты не можаш пайсці некуды з хлопцам, калі проста не хочаш. Ты нікому не павінна тлумачыць. Простага «не, дзякуй» павінна быць дастаткова.

Не раздумвай над тым, што ты можаш з’есці на людзях. Калі ты галодная, еш, і еш тое, чаго табе хочацца. Калі ты хочаш піцу, не бяры салату проста таму, што вакол цябе іншыя людзі. Замоў чортаву піцу.

Не адрошчвай доўгія валасы, каб зрабіць шчаслівым кагосьці іншага.

Не надзявай сукенкі, калі ты гэтага не хочаш.

Не заставайся дома, таму што табе няма з кім кудысьці пайсці. Выгуляй сябе сама. Пражывай усё, што здараецца, сама і для сябе.

Не стрымлівай слёзы. Калі ты плачаш, значыць, ёсць нешта, што табе трэба выпусціць вонкі. Гэта не слабасць. Гэта значыць быць чалавекам.

Не ўсміхайся, таму што нехта сказаў усміхацца.

Не бойся смяяцца над уласнымі жартамі.

Не кажы «так» толькі дзеля ветлівасці. Кажы «не», таму што гэта тваё жыццё.

Не хавай сваіх думак. Выказвайся і рабі гэта адкрыта. Ты павінна быць пачутай.

Не прасі прабачэння за тое, што ты тая, хто ты ёсць. Будзь мужнай, смелай і прыгожай. Будзь бессаромнаю сабою.

Nina.nn.by

Каментары
петя / Адказаць 30.09.2017 / 20:19

Такую бредятину псевдоинтеллектуальную любят некоторые девицы постить у себя на пабликах. Вот вам и тысячи перепостов. Нельзя научить жизни в паре фраз. Кое-где надо поступить так, а кое-где совсем по-другому. Жизнь такая штука

28
Pich / Адказаць 30.09.2017 / 20:54

Цудоўна ! Шыкоўна ! Вельмі практычна ! Навучыць жыцьцю Немагчыма. Але сваё стаўленьне да жыцьця і да самога сябе гэтыя словы фармуюць найлепшым чынам.

29
Трололошеньки / Адказаць 30.09.2017 / 21:02

И самое главное - не слушай никого, и даже автора этого поста, а поступай так, как считаешь нужным, потому что у тебя есть своя голова на плечах

5
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура