Партугальская канаістка Катарына Сякейра ў коме нарадзіла дзіця. 26-гадовую дзяўчыну шпіталізавалі на 19-м тыдні цяжарнасці праз цяжкі прыступ астмы. Яе ўвялі ў стан штучнай комы, але праз некалькі дзён лекары канстатавалі смерць мозгу, піша Бі-Бі-Сі.

На працягу 56 дзён медыкі штучна падтрымлівалі жыццядзейнасць арганізма спартоўкі, каб плод мог дастаткова вырасці. На 32-м тыдні цяжарнасці дактары зрабілі кесарава сячэнне і праз некалькі гадзін адключылі Катарыну ад сістэм жыццезабеспячэння.

Хлопчыка назвалі Сальвадор.

Ён нарадзіўся неданошаным, вагой усяго 1,7 кілаграма, але, па словах медыкаў, цалкам здаровы.

Гэта другое дзіця, якое з'явілася на свет у Партугаліі ад жанчыны, чый мозг памёр.

Nina.nn.by