Праект партала
Навокал
14.11.2018 / 15:07
Марыяна Шчоткіна: Гендарная роўнасць — адна з галоўных мэтаў Беларусі39

Устойлівае развіццё любой дзяржавы немагчыма без клопату пра прэстыж сям'і і без годнага стаўлення да жанчыны, без забеспячэння гендарнай роўнасці. Пра гэта заявіла сёння намесніца старшыні Савета Рэспублікі, старшыня ГА «Беларускі саюз жанчын» Мар'яна Шчоткіна на форуме «Святасць мацярынства», перадае карэспандэнт БелТА.

Фота Сяргея Гудзіліна. 

«Сучасная жанчына ўжо не можа закрыць сябе толькі ў рамках сям'і. Сёння жанчыны з'яўляюцца актыўнымі ўдзельніцамі фарміравання грамадзянскай супольнасці, — сказала Мар'яна Шчоткіна. — І пытанне забеспячэння гендарнай роўнасці вызначана ў Беларусі ў якасці аднаго з акселератараў дасягнення Мэтаў ўстойлівага развіцця».

Згодна з Глабальным дакладам аб гендарным разрыве 2017 года Сусветнага эканамічнага форуму, Беларусь займае 26 месца з 144 краін, падняўшыся ў рэйтынгу роўнасці мужчын і жанчын на 4 пазіцыі ў параўнанні з 2016 годам.

Жанчыны імкнуцца да фінансавай самастойнасці, робяць стаўку на паспяховую кар'еру. Адзін з сучасных пунктаў росту, адзначыла Мар'яна Шчоткіна, — развіццё жаночага прадпрымальніцтва. Пакуль жаночы бізнэс адстае па памеры і хуткасці развіцця ў параўнанні з кампаніямі, якія ўзначальваюць мужчыны, але жанчыны больш сацыяльна арыентаваныя і часцей выбіраюць сферы сацыяльных, адукацыйных і медыцынскіх паслуг.

«Пры гэтым сумяшчэнне прафесійных і сямейных абавязкаў застаецца жаночай праблемай. Як паказала абследаванне хатніх гаспадарак па выкарыстанні часу, хатняй гаспадарцы і догляду дзяцей жанчыны аддаюць у 2 разы больш часу, чым мужчыны.

Гэтыя падыходы трэба мяняць, пазбаўляцца ад стэрэатыпаў, каб раскрываць патэнцыял жанчыны, пашыраць іх магчымасці для сумяшчэння розных роляў», — падкрэсліла старшыня БСЖ.

БелТА

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура