Большасць іранцаў лічыць, што жанчыны павінны самі вырашаць, насіць хустку ці не, гаворыцца ў справаздачы адміністрацыі прэзідэнта Ірана. Улады краіны занепакоеныя пратэстамі супраць хіджаба.
Усё больш іранцаў выступаюць супраць абавязковага нашэння хіджаба. Пра гэта са спасылкай на дадзеныя справаздачы стратэгічнага цэнтра пры адміністрацыі прэзідэнта Ірана паведамляе агенцтва dpa.
Іранскія ўлады занепакоеныя гэтай тэндэнцыяй, гаворыцца ў дакуменце. Па іх ацэнцы, большасць жыхароў краіны лічыць, што не дзяржава, а самі жанчыны павінны вырашаць, насіць ім хіджаб ці не. Затрыманні і грашовыя штрафы з боку паліцыі нораваў, якая сочыць за выкананнем правілаў нашэння жаночага адзення ў грамадскіх месцах, не даюць эфекту, гаворыцца ў справаздачы.
З канца снежня ў іранскіх гарадах ідзе кампанія супраць абавязковага нашэння хіджаба. Жанчыны публічна здымаюць хусткі і размахваюць імі, як сцягамі. За падобныя акцыі пратэсту былі затрыманыя як мінімум 30 жанчын. У апошнія дні кампанію супраць хіджабаў падтрымалі таксама дэпутаты іранскага парламента.
Чытайце таксама:
Nina.nn.by
«У Мінску можна арганізаваць спатканне ў той жа вечар, толькі калі паабяцаеш сэкс». Плюс-сайз мадэль пра тое, як шукае пару ў інтэрнэце
«Гэта пекла — выбіраць помнік свайму 8-месячнаму дзіцяці». Шчыры маналог Карыны, чый муж выкінуўся з дачкой з 24 паверха на Грыбаедава
Фіналістка «Міс Беларусь» пайшла шукаць каханне на рэаліці-шоу «Халасцяк»
