Працягваючы гаворку пра выпечку з сезоннымі прадуктамі, немагчыма абмінуць увагай журавіны. Сёння я прапаную прыгатаваць печыва, якое можна залічыць у разрад «карысных» — не толькі за кошт ягад, але таксама наяўнасці тварагу, арэхаў і аўсянкі.
Печыва атрымліваецца мяккім, не вельмі салодкім, таму выдатна падыдзе для сняданку альбо ў якасці «ссабойкі» для перакусу. Калі ж слодыч у выпечцы для вас важная, можна дадаць яшчэ 50 (ці больш) грамаў цукру. Апельсінавую цэдру можна не выкарыстоўваць зусім, альбо наадварот — замяніць малако ў рэцэпце на сок таго самага апельсіна, і тады печыва набудзе выразны цытрусавы смак. Замест імбіру можна дадаць іншую ўлюбёную прыправу. Адным словам, рэцэпт лёгка адаптуецца пад розныя густы — эксперыментуйце!
Вам спатрэбіцца:
Як гатаваць:
1. Змяшаць муку з разрыхляльнікам і соллю, дадаць парэзанае кубікамі масла і расцерці разам у крошку.
2. Дадаць тварог, яйка і цукар, добра перамяшаць.
3. Дадаць аўсяныя шматкі, імбір і малако, зноў добра перамяшаць.
4. Дадаць цэдру апельсіна, дробна пасечаныя арэхі і напрыканцы асцярожна ўмяшаць журавіны.
5. Мокрымі рукамі скачаць з цеста шарыкі велічынёй з грэцкі арэх, выкласці на бляху, пакідаючы паміж імі каля 2-3 см.
6. Пячы 15-20 хвілін на 200°С (залежыць ад духоўкі, у маёй пякліся недзе 35-40 хвілін, сачыце).
Чытайце таксама:
Юлія Міцкевіч