Праект партала
Ток «Ток» з Паўлам Латушкам: пра пагрозы, дзяржслужбу і змаганне за беларушчыну
30.08.2020 / 23:57

Павел Латушка ўваходзіць у Каардынацыйную раду, гэта адзіны экс-чыноўнік высокага ўзроўню ў яе складзе.

Яшчэ два тыдні таму ён быў дырэктарам Купалаўскага тэатра. Але фальсіфікацыі на выбарах і нечуваная жорсткасць сілавікоў падчас разгону дэманстрацый прывялі да таго, што Латушка нечакана апынуўся наперадзе пратэстаў.

Экс-міністр культуры, былы пасол у Польшчы і Францыі Павел Латушка ў новым выпуску «Тока» расказвае, чаму не змог прамаўчаць цяпер. Распавядае пра ціск з боку сістэмы, як яго прызначалі і як здымалі з дзяржпасад, згадвае, як Наталля Пяткевіч выклікала яго на дыван за тое, што папулярызаваў беларускую мову. А таксама дае прагноз, колькі пратрымаецца ля ўлады Аляксандр Лукашэнка.

Шукайце ў выпуску:

00:49 — пра псіхалагічны ціск і пагрозы,

7:34 — калі пачаліся разыходжанні з палітыкай дзяржавы,

11:34 — як сістэма ціснула праз беларускамоўнасць,

15:05 — чаму беларускамоўныя чыноўнікі баяцца гаварыць з Лукашэнкам па-беларуску,

16:11 — чаму публічна асудзіў гвалт і рэпрэсіі ў Беларусі толькі сёлета,

18:55 — што будзе, калі вінаватых у фальсіфікацыях і зверствах супраць мірных дэманстрантаў не пакараюць,

20:57 — ці прымаў афіцыйную пазіцыю беларускіх уладаў падчас выбараў 2006 года, калі працаваў паслом у Польшчы,

24:28 — пра палітычныя наступствы заявы Лукашэнкі, што Польшча збіраецца далучыць да сябе Гродзенскую вобласць,

29:11 — ці пагражае штосьці суверэнітэту Беларусі,

30:45 — як мы будзем выходзіць з крызісу ў міжнародных стасунках, калі ўлада не зменіцца,

32:38 — як дамаўляцца з Расіяй,

37:06 — як стаў міністрам,

41:22 — як даведаўся пра сваю адстаўку,

44:08 — пра знішчэнне Купалаўскага,

49:56 — калі народ пераможа,

51:10 — ці чакаў ад беларускіх жанчын, што яны ўзначаляць найвялікшыя ў гісторыі Беларусі пратэсты.

Nina.nn.by