Праект партала
Стасункі МУС адмовіўся ад падрыхтоўкі закона аб супрацьдзеянні хатняму гвалту32
21.10.2018 / 10:21

Аргкамітэт па зборы подпісаў за перагляд канцэпцыі законапраекта «Аб супрацьдзеянні хатняму гвалту» атрымаў адказ з МУС на калектыўны зварот, піша Katolik.life.

20 кастрычніка аргкамітэт па зборы подпісаў за перагляд канцэпцыі законапраекта «Аб супрацьдзеянні хатняму гвалту» Міністэрства ўнутраных спраў Беларусі атрымаў адказ з МУС на калектыўны зварот. У лісце паведамляецца, што МУС лічыць мэтазгодным адмовіцца ад падрыхтоўкі самастойнага закона, а свае прапановы прапрацоўваць ў рамках карэкціроўкі дзеючых заканадаўчых актаў краіны. Такое рашэнне звязана з «высокім грамадскім рэзанансам і меркаваннем рэлігійных арганізацый, гаворыцца ў адказе за подпісам прадстаўніка МУС Алега Каразея.

Разам з тым у лісце сказана, што кожны год у органы ўнутраных спраў Беларусі паступаюць звесткі пра звыш за 120 тысяч сямейна-бытавых канфліктаў. Пры гэтым да адміністрацыйнай адказнасці прыцягваюцца больш за 50 тысяч, да крымінальнай — каля 2,5 тысяч вінаватых.

Штогод ад рук сваіх блізкіх гіне звыш за 100 грамадзян — гэта траціна ўсіх загінулых ад забойстваў і цяжкіх цялесных пашкоджанняў. І ў больш за 80% выпадкаў першапрычынай злачынстваў і правапарушэнняў у сямейна-бытавых адносінах з'яўляецца злоўжыванне алкаголем.

— Ключавымі захадамі ў прафілактыцы гвалту ў сям'і з'яўляюцца прафілактычная размова, афіцыйнае папярэджанне, ажыццяўленне прафілактычнага ўліку, ахоўнае прадпісанне. Таму ў мэтах выканання плана падрыхтоўкі законапраектаў на 2018 год МУС сумесна з зацікаўленымі дзяржаўнымі органамі быў падрыхтаваны праект канцэпцыі закона «Аб супрацьдзеянні хатняму гвалту», — гаворыцца ў адказе.

Па словах прадстаўніка МУС, канцэпцыя не нясе пагрозы традыцыйнаму інстытуту сям'і, не ставіць мэтай змены азначэнняў сям'і, шлюбу і сямейных адносін, не ўстанаўлівае забароны на выхаванне дзяцей, не ўтрымлівае палажэння «ювенальнай юстыцыі»

— Асноўнымі мэтамі падрыхтоўкі канцэпцыі з'яўляліся не ўвядзенне новых метадаў і формаў выхавання дзяцей, а абарона правоў і законных інтарэсаў грамадзян, якія падвяргаюцца хатняму гвалту, — піша Алег Каразей. — Паняцці «гендар» і «гендарная роўнасць» не ўводзяцца праектам канцэпцыі. Паняцце «хатні гвалт» дакладна вызначае, што гэта наўмысныя супрацьпраўныя дзеянні.

Таму, як тлумачыць прадстаўнік МУС, патрабаванне адной асобы да другой — напрыклад, выканаць якую-небудзь працу па хаце — не будзе кваліфікавацца як хатні гвалт — калі яно не парушае правоў, свабод і законных інтарэсаў, не прычыняе фізічных і псіхічных пакутаў.

Пры дапрацоўцы канцэпцыі былі выдаленыя некаторыя тэрміны, напрыклад, эканамічны гвалт.

Былі прадугледжаныя захады, накіраваныя на недапушчэнне неабгрунтаванага ўмяшання ва ўнутрысямейныя адносіны, пашыраныя палажэнні, якія ўсталёўваюць сістэму абароны правоў і законных інтарэсаў «крыўдзіцеляў».

Аднак у канцы ліста МУС указвае на тое, што пасля рэзанансу ў грамадстве і выказванняў рэлігійных арганізацый ад падрыхтоўкі асобнага закона ў міністэрстве вырашылі адмовіцца.

Чытайце таксама:

«Дурасць, узятая з Захаду». Лукашэнка жорстка раскрытыкаваў законапраект аб супрацьдзеянні хатняму гвалту

Лукашэнка супраць закона аб хатнім гвалце: Рэмень часам карысны, Віця часта атрымліваў ад мяне

Беларусы апісваюць гісторыі хатняга гвалту пад хэштэгам-рэакцыяй на заяву Лукашэнкі

Прыхільнікі закона аб хатнім гвалце аб’ядналіся ў суполку «Маршыруй, дзетка» і рыхтуюць план дзеянняў па яго ратаванні. Які?

Каментары
0 / Адказаць 21.10.2018 / 10:29

Не маніце, вы вырашылі адмовіцца, пасля таго, як адзін чалавек нешта сказаў.

9
бей своих / Адказаць 21.10.2018 / 10:32

им этот закон невыгоден

10
ХХІ стагодзе / Адказаць 21.10.2018 / 10:34

А фанатыкі зрываюць прыняцце законаў у свецкай дзяржаве. Гэць у халіфат, там усе жывуць па шарыяту.

14
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні