Праект газеты
Накіпела Міс свету на вазку Аляксандру Чычыкаву не пусцілі ў бар на Зыбіцкай16
25.02.2018 / 22:40

Дзяўчына паскардзілася на гэта ў сябе ў фэйсбуку. Суботнім вечарам, 24 лютага, яна з сябрамі збіралася адпачыць у бары «Туманы» на Зыбіцкай, аднак не выйшла. Ахоўнікі яе завярнулі — праз нецвярозых сяброў. 

Фота са старонкі Аляксандры ў фэйсбуку.

««Дзеля вашай жа бяспекі, мы не можам вас пусціць», — сказала ахова.

Вось такой фразай мяне сустрэла ўстанова «Туманы» на вуліцы Зыбіцкай.

(!! Звяртаю ўвагу!! Каб патрапіць ва ўстанову, трэба пераскочыць вееельмі шмат прыступак, паколькі месціцца яна ў падвальным памяшканні, таму ўвесь гэты дыялог адбываўся на вуліцы, каля ўваходу).

Прыйшоў менеджар.

Я: — А чаму мяне не пускаюць?

Менеджар: — Там небяспечна для вас. Вы прыйшлі адна ці з суправаджэннем?

Я: — З суправаджэннем?? Я прыйшла з сябрамі.

Менеджар: — А, ну тады вам можна зайсці. Але майце на ўвазе, там шмат п'яных людзей. І вашы сябры бяруць і нясуць за вас адказнасць, вы гэта разумееце?

Вельмі доўгі дыялог пра адказнасць, суправаджэнне і многае іншае.

Па выніку мы амаль патрапілі ў «Туманы»)))

Адзін мой сябар узяў мяне на рукі, іншы сябар — вазок.

Першую частку прыступак мы прайшлі, азіраемся, а ні вазка, ні сябра няма. Вяртаемся зноў наверх.

Вось што адбылося.

Сябар, пакуль адной рукой падымаў вазок, а другой — адчыняў дзверы (ахова нават не адкрыла іх, не прапанавала дапамогу, а проста глядзела), паслізнуўся і ўпаў разам з вазком.

Менеджар, ахова: — Ваш сябар нецвярозы, таму мы вас не можам пусціць. У грамадскім месцы нельга знаходзіцца ў нецвярозым выглядзе. І зразумейце: толькі праз вашых сяброў вы не патрапілі да нас ва ўстанову.

Быў вельмі доўгі дыялог з менеджарам і аховай пра нецвярозасць, бяспеку. Па выніку нас не пусцілі, мы развярнуліся і пайшлі.

Ва ўсёй гэтай сітуацыі мяне ўразіла вось гэта: «Дзеля вашай жа бяспекі, суправаджэнне, вашы сябры нясуць за вас адказнасць».

Наша краіна прыняла Канвенцыю аб правах людзей з інваліднасцю, прыняла дакумент аб «17 мэтах устойлівага развіцця». Гэта грандыёзныя падзеі, аднак я сутыкаюся з тым, што мяне не пускаюць ва ўстановы дзеля маёй жа бяспекі.

Я хачу адпачываць, наведваць розныя месцы, але, блін, гэта небяспечна!»

Мы звярнуліся ў бар «Туманы» па каментар, аднак у нядзелю працуе іншая адміністратарка, таму тлумачэнне нам паабяцалі даць у панядзелак і ўжо ад дырэктара ўстановы.

* * *

У кастрычніку 2017 года Саша Чычыкава перамагла ў конкурсе «Міс свету на вазку», дзе акрамя яе былі яшчэ 23 канкурсанткі.

Траўму Саша атрымала, калі вучылася на першым курсе: хутка яна стане дыпламаваным псіхолагам. Дзяўчына таксама грае ў пастаноўках Свабоднага тэатра, а працуе ў гіпермаркеце паслуг 124.

Nina.nn.by

Каментары
Под Дайкири Папа Добры / Адказаць 25.02.2018 / 23:14

Кругом пытаются налить чего подешевле, нарушая напиток. Сахар кладут килограммами даже если говоришь, что не надо. Закуски несут сразу из холодильника, внештатные сотрудницы слишком навязчивы. Зыбицкая такая же Европа, как прослушивание Карузо в исполнении Рабиновича.

0
Так думаю / Адказаць 25.02.2018 / 23:25

"Туманы" гэным праславіліся як днішча-доннае...

1
Генэрал Голад / Адказаць 25.02.2018 / 23:48

Дык п'ъянымі сябры былі ці не?

13
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні