Вы ўжо адчулі ўвесь боль гэтых халодных восеньскіх дзён, калі цяпло здаецца недасяжнай раскошай? Тады мы шчаслівы паведаміць, што выйсце ёсць, і не адно — бярыце на ўзбраенне.
Нашмат больш бюджэтны варыянт, калі параўноўваць з набыццём новых ботаў, але даволі функцыянальны. Можна спусціць да сярэдзіны галёнкі, а можна падцягнуць пад самае калена — абы было камфортна.
Фота Волі Афіцэравай.
Яшчэ больш уцяпліць абутак дапамогуць вусцілкі.
Ад двайной сукенкі халоднай восенню не варта адмаўляцца. Тым больш зрабіць яе вельмі проста. Накіньце паланцін і падвяжыце яго поясам. Проста, прыгожа і, галоўнае, цёпла.
Фота Волі Афіцэравай.
Паланцін будзе ратаваць вас і на вуліцы — толькі ўхутвайце ў яго не адну шыю, а ўсю сябе.
Фота Волі Афіцэравай.
Цудоўны дэмісезонны варыянт уцяплення, які не складана зрабіць самастойна з таго ж старога світара. І па тэлефоне зручна размаўляць на вуліцы, не хочацца ўвесь час хаваць рукі ў кішэні.
З такой бялізнай усе будуць здзіўляцца, чаму вам не холадна, хоць здаецца, што вы апранутыя даволі лёгка.
Вясновы гардэроб лёгка ператварае ў восеньскі звычайнае бодзі.
Ну і не забывайце, што добра саграваюць какава, імбірная гарбата з лімонам і мятай, гарбата з малаком ці гарачае малако з мёдам — яшчэ і горла можна заадно падлячыць. У халоднае надвор’е лепш добра есці, так холаду будзе цяжэй да вас дабрацца. Ну а дома ўхутвайцеся ў цёплы плед і абменьвайцеся цяплом з блізкімі.
Nina.nn.by