Праект партала
Тое-сёе
06.03.2020 / 18:13
Качанава: Я не падтрымліваю рух «чайлдфры», мяне выхоўвалі іначай29

На партале выдавецкага дома «Звязда» з'явілася інтэрв'ю старшыні Савета Рэспублікі Наталлі Качанавай, у якім яна падзялілася меркаваннем пра ролю жанчын у сучасным грамадстве, а таксама ацаніла перспектывы ўдасканалення гендарнай палітыкі ў Беларусі.

Качанава адзначыла, што сёння жанчыны лічаць за лепшае ствараць сям'ю ў больш познім узросце.

«На гэта ёсць прычыны: адбываецца больш позняе сацыяльнае сталенне жанчын. Спачатку яны вучацца, шукаюць працу, імкнуцца пабудаваць кар'еру, вырашыць жыллёвыя пытанні і толькі пасля гэтага ўступіць у шлюб. Нараджэнне дзіцяці таксама адкладаецца. Акрамя таго, многія сямейныя пары жывуць сёння па прынцыпе «чайлдфры», гэта значыць свядома без дзяцей. Асабіста я гэтага не падтрымліваю. Інстытут сям'і — найважнейшая каштоўнасць. Так выхоўвалі мяне. Так я выхоўвала сваіх дзяцей. Дзеці напаўняюць жыццё сэнсам, аб'ядноўваюць сям'ю. Бацькі сумесна пераадольваюць многія цяжкасці, гэта умацоўвае адносіны», — сказала Качанава.

Старшыня Савета Рэспублікі адзначыла, што сёння няма неабходнасці ў распрацоўцы асобнага закона, накіраванага на забеспячэнне гендарнай роўнасці.

«Нашым заканадаўствам у дастатковай ступені ўрэгуляваны розныя аспекты гэтага пытання. Важна, каб меры па абароне правоў жанчын у эканоміцы і сацыяльнай сферы, што рэалізуюцца, былі максімальна эфектыўнымі, нацэленымі на рашэнне канкрэтных задач і праблем, з якімі сутыкаюцца жанчыны», — сказала Качанава.

Каментары
Алег С. / Адказаць 06.03.2020 / 18:16

Дрэнна выхоўвалі, раз працуе ва ўрадзе Лукашэнкі.

7
меркаванне / Адказаць 06.03.2020 / 18:23

Хтотытакая?, нязменнаму самапрызначаемаму таксама бацькі навучылі? Тожа мне, прыклад для моладзі знайшоўся.

5
Александр / Адказаць 06.03.2020 / 18:23

Я читал переписку Энгельса с Каутским.И не согласен с ними.Ни с тем,и не с другим.

4
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура