Праект партала
Накіпела
11.12.2019 / 12:13
«Будзем змагацца за кожнае дзіця». Гродзенскі абласны перынатальны цэнтр адмовіўся рабіць аборты па жаданні жанчын21

Новыя правілы дзейнічаюць у клініцы ад 2 снежня.

Фота roddom.by.

«Мы шукаем прычыны ўскладненняў — невыношвання цяжарнасці, бясплоднасці. І яўная сувязь з абортамі прасочваецца.

Бясплоднасць другасная на 40% абумоўлена менавіта папярэднімі абортамі. Калі мы кажам пра невыношванне цяжарнасці, то 100% гэта ўскладненні пасля абортаў.

Выкідышы, заміранне цяжарнасці таксама гэтым абумоўлены», — патлумачыла такое рашэнне «Нашай Ніве» загадчыца паліклінікі цэнтра Святлана Разіна.

У цэнтры не будуць рабіць аборты (інструментальныя і медыкаментозныя) да 12 тыдняў па жаданні жанчыны. Калі ж да перарывання цяжарнасці ёсць медыцынскія паказанні, то аперацыю правядуць.

«Наша асноўная стратэгія — змагацца за кожнае дзіця», — кажа Святлана Разіна.

Яна дадае: гэта не значыць, што жанчыны вобласці пазбаўлены магчымасці рабіць аборт.

Медыкаментозны аборт можа правесці любая іншая жаночая кансультацыя. Калі размова пра інструментальны аборт, на больш позніх тэрмінах, то яго робяць у 4-й гарадской клінічнай бальніцы Гродна і мясцовых ЦРБ.

НЛ

Каментары
Кастусь Шыталь / Адказаць 11.12.2019 / 12:23

Цудоўная навіна. Няхай жывуць дзеці!

90
Кастусь Шыталь / Адказаць 11.12.2019 / 12:24

Цудоўная навіна! Няхай жывуць дзеці!

89
Ліцьвін металіст / Адказаць 11.12.2019 / 12:24

У прынцыпе слушна. Хаця вядома зараз зьявіцца вялізная колькасьць фэмэністак, якія ўздымуць лямант. Цікава праўда, што ўсе фэмэністкі маглі і не нарадзіцца, каб іх маці паступілі так, як яны заклікаюць, ці разважалі над такім пытаньнем гэтыя самыя "змагаркі".

87
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура