Праект партала
Накіпела
13.11.2019 / 10:52
У Наваполацку няма ніводнай вуліцы, названай у гонар жанчыны. Актывісткі хочуць гэта змяніць10

Актывісткі інфармацыйна-культурнага цэнтра «ІніцыАРТ» вырашылі гэта змяніць.

Сябра арганізацыі Таццяна Трафімава расказала «Нашай Ніне» пра тое, што яе асабіста вельмі крыўдзіла гэтая несправядлівасць. Пасля чаго яна вырашыла скласці калектыўны зварот да старшыні Наваполацкага гарвыканкама Дзмітрыя Дзямідава з просьбай назваць вуліцу, якая зараз будуецца, жаночым імем.

«Мы палічылі, што ў Наваполацку ўсяго 60 вуліц. 25 вуліц носяць імёны розных мужчын: заслужаных і не вельмі. А вось вуліцы з жаночым імем няма ніводнай. Прытым што менавіта полацкая зямля падарыла свету і Ефрасінню Полацкую, і Рагнеду. Ды і сярод сучасніц таксама шмат жанчын, вартых такой памяці.

У спісе з 43 ганаровых грамадзян Наваполацка толькі тры жанчыны. Адна з іх — Яўгенія Трапезнікава, настаўніца, кіраўніца атраду «Пошук». Яна зрабіла вельмі шмат, каб вярнуць забытыя імёны салдат, якія нарадзіліся або ваявалі тут, у Наваполацку», — распавядае Таццяна.

Актывістка звяртае ўвагу на тое, што не настойвае на пэўным імені, а прапануюць вынесці гэтае пытанне на грамадскае абмеркаванне.

«Вы толькі ўявіце, колькі значных імёнаў мы можам ўзгадаць, калі пачнем гаварыць пра гэта, калі пачнем цікавіцца гісторыяй нашага горада, калі будзем слухаць тых, хто пражыў у Наваполацку ўсё жыццё.

Пра гэта наша ініцыятыва — успомніць, які вялізны ўнёсак зрабілі ў гісторыю Беларусі жанчыны», — падсумавала Таццяна Трафімава.

НТ, заставачнае фота Надзеі Бужан

Каментары
LitvinM / Адказаць 13.11.2019 / 11:25

Ужо добра тое, што Наваполацк бадай адзіны горад дзе ніколі не было помніка ці бюста камуністычнаму боўдзіле Леніну

2
Павел Ас / Адказаць 13.11.2019 / 11:31

Нават Еўфрасінні Полацкай??? Трызненне нейкае :(

1
Беларус з-за мяжы / Адказаць 13.11.2019 / 11:50

Прекрасная идея. Есть куча потенциальный улиц для получения нового названия - ул Гайдара, ул Комсомольская, ул Генова, ул Калинина, ул Кирова, ул Дзержинского,

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура