Праект партала
Густ
22.08.2019 / 10:41
У стылі Ван Гога. Зірніце, якія карціны малюе маладая беларуская мастачка ФОТА8

Мастачцы са Старых Дарог Крысціне Лапіцкай 31 год. Яна працуе ў Цэнтры дзіцячай творчасці, а ў вольны ад працы час стварае карціны, у якіх галоўныя вобразы — жанчыны, з іх перажываннямі, болем, настроем.

Крысціна Лапіцкая. 

Калі ў першы раз кінуць позірк на карціны Крысціны, то можна з лёгкасцю параўнаць іх з палотнамі Ван Гога.

«Калі стала фармавацца маё нейкае творчае мысленне, на мяне паўплывала знаёмства з карцінамі Ван Гога. Гэта «знаёмства» паўплывала і на мой мастацкі густ. Мяне ўразіў жывапіс Ван Гога, ён даў адчуць мне яркі, жывы тэмперамент самога мастака і яго прац. Захапіла моцная эмацыйнасць яго жывапісу. Але Ван Гог пісаў з натуры, мысліў колерам. У мяне ж абстрактны жывапіс. Я спрабую перадаць «жыццёвасць» тых адчуванняў, эмоцый або проста бытавых сітуацый», — распавядае мастачка.

Касачы. 

Чаму ж у яе карцінах столькі розных вобразаў жанчын?

«Гэта атрымліваецца не спецыяльна. У плане творчасці я далёка не на ўсе гляджу толькі з боку жаночага бачання. Але ўсё роўна гэта прысутнічае, бо я жанчына. На карцінах ёсць і мужчынскія вобразы, проста іх менш. Але гэта залежыць ад той сітуацыі, ад той тэмы, якую я перадаю на момант напісання карціны. Калі ў мяне атрымалася добра перадаць тое, што я малявала, і я гэта адчуваю, гэта мяне натхняе. Гэтак жа я магу сказаць, што надаю ўвагу і колераперадачы. Жанчыны на карцінах — гэта вобразы, якія дапамагаюць мне перадаць нейкую пэўную жыццёвую сітуацыю, сутнасць моманту. Праз фігуру і колер гэтак жа я магу перадаваць і свой уласны эмацыйны стан. Гісторыя ва ўсіх сюжэтаў розная, бо гэта нейкія адкрытыя мною праўды, прачулыя сітуацыі і моманты», — распавядае Крысціна. 

«Белыя філіжанкі».

«Фіранкі».

«Жанчына, каторая адзявае завушніцу».

«У пакоі». 

«Аўтапартрэт з відэльцам і рыбкай».

Некалькі дзён таму мастачка адкрыла сваю першую выставу ў Мінску. Выстава мае назву «Думкі і вобразы». І яе можна пабачыць у бібліятэцы імя Пушкіна да 30 жніўня.

Nina.nn.by

Каментары
меркаванне / Адказаць 22.08.2019 / 11:05

А нельга жанчын пасунуць далей у глыбь карціны, а то вельмі агрэсіўна яны выступаюць?

12
Чеснок / Адказаць 22.08.2019 / 11:07

Нужен свой стиль. Люди, который как кто-то в искусстве не нужны.

8
metsavend / Адказаць 22.08.2019 / 14:48

Ваг Гог или нет, а вот картина "Белые чашки" сразу напомнила Пикассо, "Девочку на шаре" из его "розового" периода. То же изображение мужчины со спины, почти в той же майке, как и у Пикассо, только не вылинявшая розовая, а густого синего цвета, как трусы у циркового атлета. Там - балансирующая девочка, тут - женщина с чашкой (видимо, повзрослевшая та самая девочка из цирка). А разница в том, что у Кристины мужская фигура напряжена, а у Пикассо - расслаблена, спокойна. И тем не менее, картины Кристины интересны, я бы сходил на её выставку. Удачи молодой художнице!

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура