Праект партала
Дома
01.06.2019 / 08:52
Гатуем шакшуку — усходнюю яечню з памідорамі4

Не спыняюся здзіўляцца разнастайнасці нацыянальных кухняў. І справа не толькі ў адрозненні прадуктаў, якія можна знайсці ў той ці іншай краіне, але і ў традыцыях. Возьмем, напрыклад, сняданак. У Італіі ці Францыі ён традыцыйна салодкі — маленькі круасан і кава, а ў Англіі падобны на сапраўдны абед з кілбаскамі і фасоляй.

Мне бліжэйшы варыянт пасярэдзіне — каша ці яйкі і ў дадатак трошкі салодкага. Але нядаўна я ўлюбілася ва ўсходні сняданак — шакшуку, ці па-простаму яечню з памідорамі. Само слова перакладаецца як «сумесь», таму не дзіўна, што сустракаецца безліч рэцэптаў шакшукі — з нутам, кілбаскамі, сырам, шпінатам. Сёння мы з вамі зробім класічны варыянт з цыбуляй і перцам, але памятайце, што эксперыментаваць тут можна бясконца!

Нам спатрэбіцца:

  • 4 яйкі;
  • 1 цыбуліна;
  • 1 невялікі балгарскі перац;
  • 4 вялікія салодкія памідоры ці слоік памідораў у сваім саку;
  • пятрушка;
  • соль, перац;
  • папрыка.

Цыбулю дробна наразаем. Памідоры і перац рэжам кубікамі.

На патэльні разаграём алей і смажым цыбулю, праз некалькі хвілін дадаём перац і даём трохі пастаяць на агні.

Укідаем памідоры і тушым усё хвілін 5, пакуль большасць вадкасці не выпарыцца. Солім і перчым, дадаём папрыку і перац чылі, калі вы любіце стравы вастрэйшыя.

Робім 4 лункі ў памідорнай сумесі і разбіваем у кожную па яйку. Накрываем накрыўкай і даём падсмажыцца ад 5 да 10 хвілін (час залежыць ад таго, любіце вы цвёрды жаўток ці больш вадкі). Перад падачай пасыпаць свежай пятрушкай.

Смачна есці!

Вольга Чарнова, фота аўтаркі

Каментары
Максим Дизайнер / Адказаць 03.06.2019 / 15:23

Палковник!Даставай пол зарплаты!

3
хамса / Адказаць 04.06.2019 / 20:44

усходняя.. усходняя - панятак расцяжны.. 'шакшука - это типичный израильский омлет из яиц и помидоров'.. некалі захавала і сабе гэты рэцэпт, таму ведаю.. але мне больш падабаецца рэцэпт іншага блюда з яек.. Орсини.. як раз для Дызайнера - з аднаго (ну + соль і масла) інгрыдыенту.. але 'яешня' гэта выглядае настолькі вытанчана, паветрана, эфектна, што яе называюць 'сняданак арыстакрата', 'яйка ў воблаке'.. 'па ўспамінах сучаснікаў, яйкі Арсіні падавалі ў доме Клода Манэ, вялікага мастака і гурмана'.. пагугліце (бялкі ўзбіць у крутую пену, запячы ў духоўцы пару хвілін, пакласці ў паглыбленні па жаўтку і зноў - на пару хвілін у духоўку) 'яйца получаются очень нежные. воздушный и по консистенции похожий на суфле белок, а желток - жидковатый, в него очень вкусно макать свежий домашний хлеб'

3
хамса / Адказаць 23.06.2019 / 21:35

Мадушка, че-то нет і нет новых рецептов.. а я все жду і жду.. а тут што!? я бачу - “новая” “гаспадыня” адправілася ў чарговы тыпу адпачынак.. ыгы

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура