Праект партала
Дома
27.04.2019 / 09:29
Небанальныя вараныя яйкі — з начынкай з грыбоў, авакада і печані траскі19

Немагчыма ўявіць сабе стол на Вялікдзень без яек — сапраўдных сімвалаў гэтага светлага свята. І кожная гаспадыня ўпэўнена, што іх на стале не павінна быць мала. Дык чаму б не зрабіць асарці яек з рознымі начынкамі? Тут вы знойдзеце рэцэпт як традыцыйнай грыбной начынкі, так і больш цікавыя варыянты. Але я ўпэўнена, што кожны падбярэ штосьці на свой густ.

Рэцэпт начынак разлічаны прыкладна на 5 яек (10 палавінак). Вараныя яйкі разразаем на палоўкі, дастаем жаўток і напаўняем начынкай.

Начынка грыбная:

  • 100 гр. шампіньёнаў;
  • палова цыбуліны;
  • 1 ст.л. крэм-чызу;
  • 1 ст.л. смятаны;
  • 20 гр. сыру;
  • соль, перац;
  • некалькі галінак пятрушкі;
  • алей.

Цыбулю і грыбы наразаем дробнымі кубікамі. На патэльні грэем 1 ст.л. алею, на ім спачатку смажым цыбулю, потым дадаем грыбы. Смажым хвілін 5-7. Наступнымі дадаем смятану, крэм-чыз і сыр і даем яшчэ некалькі хвілін патушыцца на агні. Здымаем з агню, дадаем соль, перац і нарэзаную пятрушку.

Начынка гуакамоле:

  • 1 спелы авакада;
  • 2 зубчыкі часнаку;
  • 5-6 шт. памідораў чэры;
  • 1-2 ст.л. лімоннага соку;
  • соль, перац.

Авакада чысцім ад скуркі і косткі. Размінаем відэльцам у пюрэ і адразу дадаем лімонны сок, каб авакада не стала цёмным. Часнок рэжам дробнымі кавалачкамі (ці прапускаем праз часнакадаўку). Памідоры чэры наразаем вельмі дробнымі кубікамі. Змешваем авакада, часнок, памідоры, соль і перац. Для ахвотнікаў да вострых страў можна дадаць у соус нарэзаны чырвоны перац чылі.

Начынка з печанню траскі:

  • 1 бляшанка печані траскі (прыкладна 120 гр.);
  • 4 вараныя жаўткі;
  • зялёная цыбуля па смаку;
  • перац.

Печань траскі пераціраем відэльцам разам з жаўткамі. Залёную цыбулю дробна наразаем і дадаем да начынкі. Перчым па смаку.

Вольга Чарнова, фота аўтаркі

Каментары
хамса / Адказаць 27.04.2019 / 09:35

’Рэцэпт начынак разлічаны прыкладна на 5 яек (10 палавінак)’.. здрасьце, а чаму на фота іх олькі 6? хто з’еў 4?

5
хамса / Адказаць 27.04.2019 / 09:40

’дадаем грыбы. Смажым хвілін 5-7’ ну слава це госпадзе - дайшло нарэшце і да гэтай гаспадыні, хто значыць хутка-смачна-па-беларуску) што шампіньёны, якія можна есці сырымі, не трэба смажыць-варыць-запякаць 50-70 хвілін)

9
хамса / Адказаць 27.04.2019 / 09:47

ну і зноў - грыбы..рыбы..а-вока-да) і зноў пытаю: а калі ўжо, скажам, ’Бычьи яйца жареные с луком’ будуць? таму што…… @Бычьи яйца: рецепт для гурманов.... - Фишки.нет // В Арабских странах бычьи яйца, рецепт приготовления которых известен каждой хозяйке, предлагают самым почетным гостям.@

10
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура