Праект партала
Гісторыі
25.04.2019 / 23:07
Валярына Кустава нарадзіла дачку. Імя выбралі незвычайнае14

Мамай паэтка і тэлезорка Валярына Кустава стала крыху больш за месяц таму, але расказала пра гэта толькі цяпер.

«Нараджала я ў Мінску, у віп-аддзяленні шостай бальніцы, роды былі партнёрскія, дакладней, апошняя іх гадзіна. Медыцынскім абслугоўваннем засталася вельмі задаволеная. Роды прымала выдатны доктар Ірына Борыс», — расказвае Валярына.

Валярына Кустава.

У дзяўчынкі незвычайнае імя, якое прыйшло да Валярыны ў сне, — Дзівія Канстанцыя.

Поўнае імя немаўляці - Дзівія Канстанцыя Кустава.

Дзівія (Дзіва) — гэта багіня прыроды, маці ўсяго жывога; славянская Багіня Месяца; жаночая адпаведнасць грэцкаму богу Зеўсу. Ды і па-беларуску гучыць як дзіва, то бок — цуд.

Канстанцыя (Кастуся) — так звалі ўлюбёнага польскага паэта Валярыны — Канстанцыя Ільдэфанса Гальчыньскага. Ну і Каліноўскага таксама.

«Подпісы пад петыцыяй за з'яўленне беларускай мовы на помніку Каліноўскаму і яго паўстанцам збірала нават падчас схопак», — кажа Валярына.

У ЗАГСе, дарэчы, праблем з рэгістрацыяй не было. Там, па словах маладой мамы, усе былі ўражаныя і зачараваныя імем.

«Абвясціла ўчора на канцэрце Някляева і Вайцюшкевіча «Зорка Дзіва» пра існаванне Дзівы. Калі дачка падрасце, будзе ведаць, што песня з гэтай назвай пра яе», — расказала Валярына.

Наталля Тур, фота Каці Барушкі

Каментары
ЯяЯя / Адказаць 25.04.2019 / 23:43

Здароўя вам і дачушцы, няхай гадуецца беларускай!

3
Alehna / Адказаць 26.04.2019 / 02:15

І што?!

23
Юзік Крулеўскі / Адказаць 26.04.2019 / 08:38

Віншую! Здароўя дачушцы! Імя Кастуся ўпершыню сустрэў гадоў 10 таму на сямейным пахаванні ХІХ ст ў вёсцы Малыя Давыдкі (Глыбоцкі р-н) -- за пяць крокаў ад магілы Язэпа Драздовіча. Спачатку не ўцяміў: чаму Кастуся, а не Кастусь? Потым дайшло, што гэта імя -- Канстанцыя....

3
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура