Праект партала
Тое-сёе
16.03.2019 / 20:39
Расійская спявачка Юлія Началава памерла ў 38 гадоў. Праблемы пачаліся праз няўдалае павелічэнне грудзей7

Юлія Началава захварэла яшчэ ў 2007 годзе, калі ёй правялі няўдалую аперацыю па павелічэнні грудзей.

Пасля першай аперацыі выявілася, што грудзі чацвёртага памеру выклікаюць у спявачкі дыскамфорт, і яна наважылася на паўторнае хірургічнае ўмяшанне, якое ледзь не каштавала ёй жыцця. Медыкі з клінікі ў Лос-Анжэлесе занеслі ёй інфекцыю, тады спявачку экстрана шпіталізавалі проста з аэрапорта. Сама яна казала, што яе літаральна «выцягнулі з таго свету».

Тады праблемы са здароўем далі ўскладненне на ныркі, з-за чаго арганізм спявачкі стаў дрэнна выводзіць мачавую кіслату.

Прыкладна сем гадоў таму ў Началавай выявілі падагру, праз чатыры гады дыягнаставалі сістэмную чырвоную ваўчанку. Спявачка апошні час на публіцы з'яўлялася ў пальчатках, каб схаваць гузы на руках.

Падагра і ваўчанка — гэта ўжо невыносна цяжка, а пры канцы 2018-га дадалася яшчэ цукроўка другога тыпу.

У сакавіку 2019 года Началава намуляла нагу падчас здымак праграмы пародый «Адзін у адзін». Драпіна ператварылася ў рану, спявачку шпіталізавалі. Пайшоў абсцэс. Паднялася тэмпература, пагоршаў стан, вырасла нагрузка на ныркі. Яе перавялі на штучную вентыляцыю лёгкіх, але гэта не дапамагло. Узмацнялася сардэчна-судзінная недастатковасць, здарыўся ацёк мозга.

16 сакавіка дактары вырашылі ампутаваць нагу. Аперацыю арганізм спявачкі не перанёс, паведаміла афіцыйная прадстаўніца артысткі Ганна Ісаева. «Гадзіну таму перастала біцца сэрца нашай Юлі», — напісала яна ў Instagram.

Пік папулярнасці Началавай прыпаў на канец 90-х.

nn.by; фота Wikipedia Commons

Каментары
LitvinM / Адказаць 16.03.2019 / 21:13

Якая бязглуздасьць. У 26 год загубіць свае жыцьце з-за 4 памера. А 3 мала было?

16
Электробус / Адказаць 16.03.2019 / 21:38

А ў калёніі толькі і плётак, што пра «зорак» з метраполіі.

22
Владимир.Бобруйск / Адказаць 16.03.2019 / 22:43

Жаль,талантливая,красивая,проста и доступна в общении.ЖАЛЬ!

19
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура