Праект партала
Дома
16.03.2019 / 12:01
Гарбузовы кары: сытна, разнастайна і ў адной каструлі11

Мне падабаецца, калі смачную сытную страву можна прыгатаваць у адным рондалі: проста закінуць туды патрэбныя інгрэдыенты, пачакаць — і насалоджвацца смакам.

Адной з такіх страў для мяне з’яўляецца кары, водар і смак якога напаўняе ўсю кухню. Не пашкадуйце для яго пасты кары і какосавага малака, каб страва мела прыемную гастрату і цікавы арыентальны прысмак.

Паста кары традыцыйны ўжываецца ў тайскай кухні. Гэтая сумесь звычайна складаецца з чырвонага гострага перцу, часнаку, цэдры кафір-лайма, галангалу, куміну і іншых спецый.

Фота minimalistbaker.com

Нам спатрэбіцца:

  • 1 вялікая цыбуліна
  • 2 зубчыкі часнаку
  • 1 ч.л. чырвонай пасты кары
  • 400 гр. гарбуза
  • 3 бульбіны
  • 300 гр. квяцістай капусты
  • 1 слоік какосавага малака
  • 1 шклянка булёну (з гароднінай ці курынага)
  • 200 гр. курынага філе (можна замяніць на 200 гр. варанага нуту)
  • жменя арахісу ці кеш’ю
  • кінза
  • алей

У рондалі ці глыбокай патэльні грэем 2 ст.л. алею. Часнок і цыбулю дробна рэжам і дадаём да алею разам з кары пастай. Даём некалькі хвілін падсмажыцца.

Наступным дадаём кавалкі курынага філе. Смажым хвілінак 7. Калі замест курыцы вы выкарыстоўваеце нут, то дадаём яго разам з агароднінай.

Гэтым часам бульбу і гарбуз наразаем кубікамі. Дадаём у рондаль бульбу, гарбуз і квяцістую капусту, наліваем какосавае малако і булён. Даём закіпець, накрываем накрыўкай і тушым хвілін 25—30 на маленькім агні.

Падаём з арэшкамі, падсмажанымі на сухой патэльні, і галінкамі кінзы. Найлепшым гарнірам тут будзе прыгатаваны рыс, напрыклад басмаці.

Смачна есці!

Вольга Чарнова, фота minimalistbaker.com

Каментары
Жвір / Адказаць 16.03.2019 / 12:03

О! Гэта цуд ! Я б такое з'еў...

0
хамса / Адказаць 16.03.2019 / 12:20

о! узнаю огородницу) или ту, у которой ближайшие хорошие родственники и друзья хорошие огородники) и не знают, что с этой прошлогодней тыквой, которая благополучно пережила День всех святых) теперь (весной)) делать-то) (ведь скоро же надо сажать новый урожай)) как только отдать ее (эту драгоценную, пережившую все, тыкву)) Вользе Чарновай - ужо яна-то знойдзе, што з ёй зрабіць.. упарыць адкрыўшым рот энэнаўскім баршчаваркам і іхным палкоўнікам.. і шчэ атрымае за гэта грошыкі.. і ўсім прыемна) так жа ж, Рэд.?))

15
хамса / Адказаць 16.03.2019 / 12:57

фота minimalistbaker.com )) як мінімалістка мінімалісту ) ну ) а я ж даўно казала - чаго парыцца.. гатаваць нешта.. фатаграфаваць.. а раптам не атрымаецца? хутчэй за ўсё, што не атрымаецца) калі ў інтэрнэце ўсё ёсць.. узяў - сцягнуў адтуль фота і тэкст.. ну дадаў туды пару сваіх слоў, каб выглядала, як быццам тваё.. і ўсё.. вось і ўвесь рэцэпт)

11
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура