Праект партала
Тонус
10.03.2019 / 12:09
«Туфлі-забойцы». Як насіць абцасы без шкоды здароўю, а не з ахвярамі ў імя жаноцкасці3

«Прыгажосць патрабуе ахвяр» і іншыя стэрэатыпы аб жаночай прывабнасці ў галовах як мужчын, так і жанчын, размясціліся грунтоўна і ўтульна. Лічыцца, што жанчына на абцасе — гэта сэксуальна і прыгожа, што ёй заўсёды трэба быць на ўсе «сто» (і ў дождж, і ў буру, і ў спякоту), а здароўе і камфорт застаюцца ў гэты час за кулісамі.

Бясспрэчна, на абцасе сілуэт адразу становіцца больш выразным, рост вышэйшы, хада — больш элегантнай, аднак гэта добра выглядае выключна збоку. Давайце будзем сумленнымі і прызнаемся, што такі эфектны выхад дорага нам каштуе, так як за ім стаіць гіпертонус у раёне галёнак, ныючы боль і ацёкі.

Здымаючы туфлікі пасля васьмігадзіннага працоўнага дня або прагулкі, часам хочацца з палёгкай выгукнуць: «О тааааак!»

Фота: novaya.com.ua.

Вядома, зрэдку такое пацярпець і можна, асабліва калі абцас дарэчны для свецкага мерапрыемства ў вячэрняй сукенцы, але, на жаль, у пагоні за мужчынскай ухвалай і «на зайздрасць сяброўкам» мы, жанчыны, часта грэбуем сваім самаадчуваннем і носім абцас ці ледзь не штодня, абсалютна не задумваючыся, чым багатыя непрыемныя адчуванні ад элегантнага выгляду.

Што на самай справе адбываецца з намі, калі мы носім абцас?

Уся справа ў тым, што абцас падымае пятку і, адпаведна, ссоўвае ўвесь цэнтр цяжару на папярочны звод. Гэта значыць, уся вага нашага цела, якая павінна раўнамерна размяркоўвацца на ўсю ступню, пераходзіць толькі на невялікі ўчастак. Генетычна нашы ногі не створаны для гэтага. Любое «нестандартнае» становішча цела будзе ім жа адрыньвацца і пацягне за сабой непрыемныя наступствы ў выглядзе траўмаў і захворванняў.

Усё пачынаецца з ног

Фота: lifehacker.ru.

Здавалася б, ну дзе стрававальная або мочапалавая сістэма, а дзе абцасы!? На самай справе, яны маюць прамую ўзаемасувязь. Уся справа ў зняцці цэнтра цяжару, з-за якога прыходзіцца нязвыкла балансаваць і трымаць раўнавагу, а для гэтага пастаянна ненатуральна прагінацца ў паясніцы і адхіляцца назад, пазванкі і тазавыя косткі пры гэтым набываюць няправільнае становішча. Як следства: скрыўленне хрыбетніка, кілы і пратрузіі. Паколькі наш пазваночнік — гэта «стрыжань», на якім усё трымаецца, любая дэфармацыя ўплывае на бліжэйшыя аддзелы і прылеглыя органы.

Прасцей кажучы, калі пакутуе паясніца, то разам з ёй і ныркі, і кішачнік, і страўнік, і рэпрадуктыўныя органы.

Жаночыя праблемы

Плоскаступнёвасць — гэта захворванне апорна-рухальнага апарата, пры якім сплашчаецца і апускаецца яе падоўжны і папярочны звод. І, як ні дзіўна, набытай плоскаступнёвасцю жанчыны пакутуюць у 4 разы часцей за мужчын. Напэўна, вы ўжо здагадаліся, што менавіта з-за абцасаў.

Фота: des.chinabrands.com.

Пры плоскаступнёвасці

  • змяняецца выправа і манера перасоўвацца, ногі, заварочваюцца як бы ўнутр, гэта цягне за сабой пашкоджанне храстка ўнутры каленнага сустава, выклікае ў ім запалення і болі.
  • зніжаецца арматызуючая, рысорная роля ступні, як вынік — унутраныя органы становяцца ўразлівымі да скалынанняў пры хадзе, бегу і скачках.
  • парушаецца кровазабеспячэнне мяккіх тканак галёнкі і ступні, што выклікае ці пагаршае варыкознае пашырэнне вен.
  • за кошт няправільнай нагрузкі на хрыбетнік узнікае гіпертонус шыйных цягліц, ад чаго мозг пакутуе ад недахопу кіслароду. Як следства — нас мучаць галаўныя болі, недамаганне, перманентная стомленасць і дрымотнасць.

Усё не так, як у Папялушкі

Здаецца, калі б казку пра Папялушку пісалі шчыра, грунтуючыся на рэальнасці, прыгажуня наўрад ці б пагадзілася агаляць ножку і паказваць яе прынцу. Паколькі абутак на абцасе выклікае такія візуальна непрыемныя наступствы, як натоптышы. Гэта шчыльныя і грубыя ўчасткі скуры на падэшве стоп, якія ўзнікаюць пад пастаянным ціскам і шмараваннем.

Фота: film.ru.

Вядома, не толькі абцас усяму віной са сваім зрушэннем цэнтра цяжару, такое можа сустракацца яшчэ і пасля нашэння любога нязручнага закрытага абутку на плоскім хаду, пры гарманальных парушэннях і варыкозным пашырэнні вен.

Як пазбегнуць непрыемнасцяў?

  • Вядома, плюнуць на ўсе стэрэатыпы і выбіраць той абутак, які камфортны. Але калі зусім не атрымліваецца з-за патрабаванняў на працы і іншых абставінаў, то варта здымаць туфлі кожныя дзве гадзіны, масажаваць ступні або рабіць невялікія кароткія гімнастычныя практыкаванні для паляпшэння кровазвароту ў ступнях.
  • Чаргаваць абцас з плоскім ходам. І калі размеркаваць у плыні тыдня, то пяцьдзясят на пяцьдзясят.
  • Пасля напружанага дня на абцасе, вечарам варта расцерці сухажыллі цягліц галёнкі, зрабіць масаж ступняў рукамі ці масажорам.
  • Адказна паставіцца да выбару абутку і кіравацца ў першую чаргу не эстэтычным складнікам, а тым, наколькі зручная калодка і ці падыходзіць вам памер.

І ўсё ж, калі жыццё здаецца немагчымым без абцаса, то лепш насіць не вышэйшы за 5 сантыметраў: менавіта такая вышыня лічыцца бяспечнай для здароўя.

Памятаеце: акрамя вас саміх, ніхто вас лепш не паберажэ! 

Лера Казакевіч

Каментары
0.5 / Адказаць 10.03.2019 / 14:21

Носите лапти. и будет вам счастье.

5
mikola ramanau / Адказаць 10.03.2019 / 14:44

Vedaiu kalja 100 vypadkau kali zanczyny lamali nogi u padobnyh tufljah...............

1
ЯНКА / Адказаць 10.03.2019 / 16:00

[Рэд. - дзякуй, выпраўляем]

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура