Праект партала
Дома
02.03.2019 / 09:38
Рэцэпт варэнікаў, незвычайных за кошт свайго цеста10

Нацыянальныя кухні краін шмат у чым адрозніваюцца адна ад адной. Але шмат у якіх мы можам заўважыць страву, якая робіцца з тонкага цеста і начынкі: у Італіі гэта равіёлі, у Кітаі гэта гёдза, баоцзы і вантоны, у Сярэдняй Азіі — манты, ну і, канечне, усім знаёмыя пельмені. Але нам бліжэй за ўсё варэнікі — варыянты з бульбай, капустай і тварагом. І гэтым разам мы паспрабуем з вамі разнастаіць не начынку, а цеста — зробім з вамі варэнікі, асаблівасцю якіх будзе тонкі грыбны водар!

На грыбное цеста:

  • 250 гр. мукі;
  • 1/3 ч. л. солі;
  • 2 ст. л. сухіх грыбоў, змолатых у парашок;
  • 2 ст. л. алею;
  • 170 мл. гарачай вады.

Муку перамешваем з соллю і грыбным парашком. Дадаём алей і гарачаю ваду, месім цеста. Абгортваем плёнкай і даём састыць.

На начынне:

  • 250 гр. капусты;
  • 150 гр. кіслай капусты;
  • 1 ст. л. сухіх грыбоў, змолатых у парашок;
  • 2 ст. л. таматнай пасты;
  • соль, перац;
  • 0,5 ч. л. каляндры;
  • 0,5 ч. л. кміну;
  • алей.

У рондаль дадаём трохі алею, кладзём туды кіслую капусту, наліваем прыкладна паўшклянкі вады і даем тушыцца пад накрыўкай 20—30 хвілін. Тым часам наразаем свежую капусту і дадаём да кіслай, тушым яшчэ хвілін 20. Дадаём грыбы, таматную пасту і спецыі, даем яшчэ хвілін 15 патушыцца без накрыўкі (капуста павінна стаць мяккай, але без залішняй вадкасці). Начынне гатовае. Можна зрабіць яго ў некалькі разоў больш і выкарыстоўваць потым як гарнір.

Цеста раскатваем да таўшчыні прыкладна 2 міліметры, не шкадуючы мукі на падсыпку. Выразаем кружкі, пасярэдзіне кладзём начынку і зашчыпваем краі.

Варэнікі варым у закіпелай салёнай вадзе 3 хвіліны, пасля таго, як яны паўсплывалі. Падаём са смятанай ці смажанай цыбуляй. Смачна есці!

Вольга Чарнова, фота аўтаркі

Каментары
Жвір / Адказаць 02.03.2019 / 09:53

Не.

7
Жвір / Адказаць 02.03.2019 / 17:29

Яшчэ раз усё ўзважыў, і кажу наноў: НЕ ! Хай гэта кітайцы ядуць... Яны ў хуткім часе завітаюць будаваць вам стадыён, а тут ужо і страва пад іх прыгатавана...

6
хамса / Адказаць 03.03.2019 / 09:38

вось гэта цікавы рэцэпт (ідэя.. можна не толькі з грыбамі прымяніць) я такога не сустракала.. дзякуй, Вольга)

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура