Праект партала
Тонус
29.12.2018 / 10:26
Некалькі простых правіл — і вы не будзеце хварэць зімой3

Зіма, мароз, завіруха. Ты адчуваеш, як холад лезе пад паліто, шчыпле рукі і шчокі, як ногі ў ботах паціху дранцвеюць. А пасля, у цёплым памяшканні, не можаш сагрэцца, калоцішся, п’еш гарбату і разумееш, што ўжо шморгаеш носам, а галава ідзе кругам — прастуда.

Фота Shutterstock.

Як засцерагчыся ад сезонных захворванняў і што рабіць пры першых прыкметах прастуды, распавяла доктар-тэрапеўт медыцынскага цэнтра «Ладэ» Наталля Бузыноўская.

Пакуль вы не захварэлі

Лепш за ўсё, вядома, засцерагацца ад захворванняў, пакуль здаровы.

— Абірайце адзенне па сезоне

«У маразы апранацца трэба цёпла. Гэта ведаюць нават дзеці, і ніхто з гэтым спрачацца не будзе. Але нашымі, як цяпер прынята гаварыць, еўрапейскімі зімамі зусім неабавязкова захутвацца з галавы да ног. Напрыклад, у невялікі мароз не трэба хаваць нос у шалік. У носе знаходзяцца варсінкі, якія перашкаджаюць вірусам пранікаць далей у арганізм. Але моцнымі маразамі нос лепш схаваць, каб не запалілася слізістая. І абавязкова зімой трэба насіць шапку. Галава мерзне гэтаксама, як і любы іншы адкрыты ўчастак цела. Адсюль такія захворванні, як неўрыт, запаленне мазгавой абалонкі і гэтак далей», — расказвае Наталля Бузыноўская.

— Спіце не менш за восем гадзін, гуляйце не менш за гадзіну ў суткі

«Зімой не спяшайцеся пасля працы ўскочыць у перапоўнены грамадскі транспарт, а прагуляйцеся. І спаць будзеце лепш, і імунітэт умацуеце. Кожны дзень неабходна праводзіць на свежым паветры не менш за гадзіну. Старайцеся таксама не карыстацца ўзімку ліфтамі. Інфекцыя ў іх жыве вельмі доўга. Скараціце час знаходжання ў натоўпе людзей. Старайцеся часцей мыць рукі і твар, асабліва пасля таго, як праехалі у грамадскім транспарце, пабывалі у краме і г.д. Таму што вірусы захоўваюць сваю актыўнасць на целе чалавека значна даўжэй, чым у паветры».

— Харчуйцеся збалансавана

«Налягайце на прадукты, якія змяшчаюць вітаміны: садавіну і гародніну (цыбулю, рэпу, капусту, мандарыны, гранат і іншыя прадукты). У харчаванні павінны прысутнічаць стравы з рыбы і мяса (рыба не менш за 2—3 разы на тыдзень). І, безумоўна, не абысціся зімой без вугляводаў — гэта чорны хлеб і кашы. Іх лепш ужываць у першай палове дня, а мяса, рыбу з гароднінай, малочныя прадукты — у другой. Ні ў якім разе не трэба галадаць! Таксама можна перыядычна прымаць комплекс полівітамінаў, але пры ўмове, што ў вас няма супрацьпаказанняў».

ААТ «ЭКЗОН», УНП 200433278

Калі вы ўсё ж захварэлі

Як толькі вы адчулі недамаганне, піце шмат цёплай вадкасці: адвары, гарбату, проста цёплую ваду з лімонам, малако з мёдам.

Першая дапамога пры вірусных інфекцыях — гэта паласканне горла і носа.

«Горла рэкамендуецца паласкаць растворам фурацыліну. Нос можна прамыць саляным растворам або гатовымі салянымі сумесямі, якія прадаюцца ў аптэках без рэцэпту.

Калі паднялася тэмпература

Павышэнне тэмпературы цела — гэта ахоўная рэакцыя арганізма, якая ўзнікае ў адказ на інфекцыю. Пры павышэнні тэмпературы цела вірусам складаней размнажацца. Але калі з'явіўся галаўны боль, дрыжыкі, ламата ў целе, слабасць, тэмпература паднялася да 38 і вышэй, то рэкамендуецца прыняць гарачкапаніжальныя прэпараты. Калі на працягу двух дзён гэтыя сімптомы не зніклі, не займайцеся самалячэннем — звярніцеся да доктара.

Калі вы захварэлі, памятайце аб простых правілах: выконвайце пасцельны рэжым, насіце ахоўную маску, не забывайце праветрываць памяшканне.

Памятайце, што самы пік вострых рэспіраторных захворванняў прыходзіцца на канец зімы. Але беражыце здароўе і шануйце сябе кожны дзень, незалежна ад надвор’я за акном.

Наталля Тур

Каментары
Serg / Адказаць 27.12.2018 / 07:44

В избу всех!!! Там лифта нет!!!

16
Зiма / Адказаць 27.12.2018 / 08:23

Каб задаволiць сутачную патрэбу арганiзма дзеля вiтамiнау В-5 й В-2 лустачка хлеба павiнна важыць 2кг, дзеля вiтамiна В-6 лустачка мае быць вагой 1,5кг. Не кожная аматарка здаровага ладу жыцця здолее такi кавалак жытняга хлеба зьесьцi.

4
Common Sense / Адказаць 29.12.2018 / 20:50

Пейце болей вады

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура