Міжнародны даследчы інстытут Pantone абраў галоўны колер 2019 года. Аб гэтым кампанія абвясціла на афіцыйным сайце і ў сваім інстаграме.
Колерам года абрана адценне Pantone 16-1546 Living Coral або «жывы каралавы».
«Ён сімвалізуе ўнутраную патрэбу ў аптымізме і радасных дасягненнях, «жывы каралавы» ўвасабляе нашу прагу да гуллівага самавыяўлення», - апісалі колер адміністратары Instagram-акаўнта.
Амерыканская кампанія Pantone ў сярэдзіне XX стагоддзя распрацавала стандартызаваную сістэму падбору колеру, у якой выкарыстоўваецца лічбавая індыкацыя. Узоры колеру рэгулярна выпускаюцца ў спецыяльных каталогах.