Праект партала
Навокал
05.12.2018 / 10:05
12-гадовая беларуска выйграла ў ЗША тэлеконкурс юных кухараў2

Амерыканка Нікі Бідун стала пераможцай другога сезона конкурсу TopChef Junior, які паказваюць на амерыканскім тэлеканале Universal Kids. У Нікі беларускія карані, яе мама нарадзілася ў нашай краіне, піша Tut.by са спасылкай на New York Post.

У фінале Бідун прыгатавала тры стравы: суп з пельменямі, рагу з рэбраў з фетучыні і хатняй рыкотай, а таксама лімоннае суфле. У выніку яна выйграла 50 тысяч даляраў.

Яе супернікамі былі 12 хлопчыкаў і дзяўчынак ва ўзросце ад 10 да 13 гадоў.

Як адзначае выданне, дзяўчынка пачала дапамагаць бацькам на кухні, калі ёй было два гады. Вузкая кухня, якой карысталася яе сям'я, дазволіла ёй атрымаць вялікую перавагу ў будучыні. «Калі вы можаце гатаваць у тэлефоннай будцы, вы можаце гатаваць у любым месцы», — жартуе Нікі.

Дзяўчынка — адзіная дачка беларускі Вольгі, якая працуе агентам па нерухомасці, і амерыканца Майкла, які робіць у сферы фінансаў. Дарэчы, на YouTube-канале апошняга можна знайсці відэа, як дзяўчынка гатуе пельмені разам з бабуляй у Беларусі.

Гэтыя ўрокі не прайшлі дарма. «Я люблю беларускую ежу - гэта сямейнае. Смак ежы насычаны, шмат смажанага. Але пры гэтым Нью-Ёрк мяне распешчвае, я люблю гатаваць абсалютна ўсё», - прызнавалася дзяўчынка ў адным з інтэрв'ю. Яна ўдакладняла, што гатуе любыя стравы — ад беларускіх да японскіх.

Па словах Нікі, яна не плануе траціць выйграныя грошы і ў будучыні марыць адкрыць свой рэстаран.

Каментары
Гопнiк з Малiнаукi / Адказаць 05.12.2018 / 10:46

В меню ни беларускай кухни, ни беларускай девочки)

11
кронан / Адказаць 05.12.2018 / 13:39

О, "джынсавая" рэклама "Лідскай мукі"!
Зараз амерыканцы зацікавяцца і нас чакае рост экспарту мукі з Ліды за акіян.

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура