Праект партала
Дома
03.11.2018 / 08:26
Карамельная асалода: рэцэпт французскага дэсерту канэле20

Даўно не было ў нас салодкага на стале. І гэтым разам падзялюся з вамі незвычайным рэцэптам, зробленым са звычайных прадуктаў, — канэле (не блытаць з канолі і канелоні). Гэта фірмовы десерт французскага рэгіёна Аквітанія, а слова мае паходжанне ад слова «канелюр». Азначае жалабкі на ствале калоны. Калі пабачыце гэты дэсерт, паходжанне назвы стане больш відавочным.

Самае складанае ў прыгатаванні канэле — знайсці адмысловую форму, у якой запекчы цеста так, каб яно адпавядала усім паказчыкам: каб унутры цеста засталося мяккім, а звонку была тонкая карамельная скарынка. Але не адчайвайцеся, калі ў вас няма той самай аўтэнтычнай формы, паспрабуйце выкарыстаць любую іншую для дробных пірожных, лепш за ўсё сіліконавую.

Прыклад формачак.

Нам спатрэбіцца:

  • 350 гр. малака;
  • 80 гр. мукі;
  • 155 гр. цукру;
  • 40 гр. жаўткоў (прыкладна 3 жаўткі, усё залежыць ад памера яйка);
  • 35 гр. масла;
  • 1 палачка ванілі (ці 1/2 ч.л. ванільнага экстракту);
  • дробка солі;
  • 35 гр. цёмнага рому.

Добра змешваем муку, цукар і жаўткі, дадаём соль. Тым часам награваем малако з маслам і ваніллю, чакаем, пакуль масла цалкам раскрыецца. Тонкім струменьчыкам наліваем малако ў сумесь з яйкамі і вельмі добра перамешваем. Даём састыць да пакаёвай тэмпературы. Дадаём ром.

Цеста накрываем плёнкай у кантакт і пакідаем на ноч у халадзільніку.

Разліваем цеста па формачках, пакідаючы некалькі міліметраў, бо цеста будзе спачатку падымацца. І не пужайцеся, што яно атрымалася вадкім. Ставім форму ў духоўку, нагрэтую да 180 градусаў, на 70—80 хвілін.

Смачна есці!

Вольга Чарнова, фота аўтаркі

Каментары
Dub / Адказаць 03.11.2018 / 08:57

Nie...

4
хамса / Адказаць 03.11.2018 / 11:53

Dub, як не? вы ж казалі, што вы Карлсан.. а гэта маленькія калоны.. можна скласці з іх вялікую калону, а зверху пакласці маленькую тэфтэльку.. не?

3
Dub / Адказаць 03.11.2018 / 12:13

хамса , nie, z usiaho receptu pakinuu by tolki rom, pavialicyusy dazirouku, i dadausy skryliocak limoncyku. Usio astatniaje - nie,..nie majo... Karlsan liubic` pliuski...

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура