Фатографка Настасся Мірашнічэнка прэзентавала на BIRD IN FLIGHT серыю прац «Жаноцкасць звычайная» пра тое, на што гатовыя пайсці жанчыны ў імя клішыраваных стандартаў прыгажосці.

«Мае ўяўленні пра жаноцкасць развіваліся ў дзяцінстве, калі я назірала за мамай. У яе вялікі гардэроб з бясконцай колькасцю бялізны, адзення, упрыгожанняў. Шмат аксэсуараў, каб здавацца больш прывабнай, зграбнай, прыгожай. Дзясяткі флаконаў з духамі і слоічкаў з касметыкай, маскі, масажоры, прыборы для спальвання тлушчу. Маме робяць пластычную аперацыю, яе цела — аб'ект маніпуляцый дзеля прыгажосці. Рэчы, якія застануцца пасля мамы, так ці інакш будуць звязаныя з мадыфікацыяй цела і асобы», — распавядае Настасся.

Цела сучаснай жанчыны, на думку Настассі, падобна да сукенкі: яго можна перакройваць па жаданні — дзесьці адрэзаць, дзесьці ўшыць, ва ўгоду тым ці іншым паданням пра прыгажосць. Сёння медыя і масавая культура транслююць нам жаночы вобраз, поўны сэксуальнасці, прычым яна сэксуальная.

Даследуючы гэту тэму, яна змясціла рэчы пад павелічальнае шкло, каб паказаць, наколькі часам у нас больш застаецца ад іх, чым ад асобы.

Як вам?

Nina.nn.by