Праект партала
Дома
06.10.2018 / 14:09
Ідэальны спадарожнік восені: духмяны гарохавы суп РЭЦЭПТ48

Кожны год з прыходам халадоў я вельмі выразна заўважаю змену ў маіх гастранамічных жаданнях. Восенню і ўзімку заўсёды хочацца чагосьці гарачага, густога, вострага. Пад гэтыя параметры трапляе суп — ідэальная страва на халады і вельмі блізкая нашаму сэрцу і страўніку.

Пачнём з класікі — гарохавы суп, мой улюбёны з дзяцінства. Галоўная фішка гэтага рэцэпта — выкарыстанне вэнджанай папрыкі. Не палянуйцеся знайсці яе (напрыклад, на рынку), бо яна надае такі водар, што немагчыма перадаць словамі. Яшчэ не забудзьце ўзяць упрыкуску лусту духмянага хлеба ці зрабіць сухарыкі і дадаць іх проста ў суп.

Нам спатрэбіцца:

  • 1 шклянка сухога гароху;
  • 2 бульбіны;
  • 1 морквіна;
  • 1 цыбуліна;
  • 1/4 галоўкі сельдэрэю;
  • 2 зубчыкі часныку;
  • 4 зярняты духмянага перцу;
  • 4 лаўровыя лісты;
  • 1 ст. л. маярану;
  • 1 ч.л. вэнджанай папрыкі;
  • 1/2 ч. л. молатай каляндры;
  • 2 ст. л. соевага соусу;
  • 3 ст. л. алею;
  • соль;
  • перац.

Замочваем гарох на гадзіну ў гарачай вадзе (спатрэбіцца прыкладна 2 літры). Бульбу, моркву, цыбулю і сельдэрэй наразаем кубікамі. Часнык дробна крышым.

У рондалі разаграваем алей, дадаём цыбулю, часнык, духмяны перац, лаўровы ліст і папрыку і тушым на маленькім агні хвілін пяць. Дадаём астатнюю агародніну і спецыі, добра перамешваем і таксама пакідаем на 5 хвілін на агні.

Надышоў час гароху — перакладаем яго ў рондаль разам з вадой, заліваем соевы соус. Накрываем і гатуем суп адну гадзіну (можа спатрэбіцца менш часу, галоўнае, каб гарох стаў мяккім). Напрыканцы солім і перчым.

Па смаку можна дадаць кавалкі грудзінкі ці іншага гатаванага мяса. Смачна есці!

Вольга Чарнова, фота аўтаркі

Каментары
хамса ў та-маці / Адказаць 06.10.2018 / 14:14

Ідэальны спадарожнік восені: духмяны гарохавы суп.. што!? гэта каб да зімы было бегчы хутчэй, да?)

26
хамса ў та-маці / Адказаць 06.10.2018 / 14:20

извините конечно, господа (и дамы.. снимаю шляпу)), но ваша кастрюлька очень напоминает некоторый предмет домашнего в основном ночного обихода, мимо которого никак нельзя будет пройти после вашего супчика.. еще раз извиняюсь.. и.. а нельзя было обойтись как-то без посредников?)

27
Dub / Адказаць 06.10.2018 / 14:39

Zamiest vendzanaj papryki lieps vendzanaj hrudzinki dadac. A uvohulie, heta, jak sup z siakiery atrymlivajecca. Haroch - u roli siakiery, a toje sto, dadajecca, i stvaraje smak tamu supu. Tamu nia varta zamarocvacca z zamocvanniem harochu, tym bols, sto adnoj hadziny budzie zamala. Nabyvajcie brykiet harohavaha supu u Euraopcie (92 kapiejki), i dadavajcie da jaho sto zauhodna, choc` i pieralicanaje spadaryniaj Volhaj. Na usio pra usio spatrebicca rouna 20 chvilinau ! Tolki nie salicie, bo sol u tym brykiecie uzo josc`. Ja adnojcy pasaliu, dyk zanadta atrymalasia. A! piatruski i kropu dadajcie, vo...

10
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура