Праект газеты
Накіпела «На ваш кардан нічога няма». Як дзейнічаць, калі вас абражаюць у крамах7

Існуе меркаванне, што шопінг — гэта свайго роду тэрапія. Можна з задавальненнем прымяраць прыгожыя рэчы, падбіраць пад новы касцюм шалік або ў чаканні адпачынку абнаўляць свой гардэроб новымі сарафанамі і купальнікамі.

Здаецца, дзе яшчэ, як не ў крамах адзення, павінны дагаджаць. Вы выбралі гэтую краму, вы хочаце патраціць свае грошы і пайсці дадому з абноўкай і добрым настроем.

У рэчаіснасці ж выходзіць далёка не так. І пасля прагулкі па магазінах вы седзіце засмучаная ў кавярні з сяброўкай і за кубкам кавы пытаецеся ў яе: «Я што, такая страшная?» А вам проста нахамілі ў краме.

І такіх гісторый, як аказалася, шмат.

«О так, памятаю, як хацела прымерыць у краме модныя джынсы, — расказвае Святлана, — прадавачка глянула на мяне і сказала: «Што вы! На ваш кардан нічога няма!»

«У мяне была падобная гісторыя, — дзеліцца Ганна, — я мерала спадніцу-плісэ, у якой мой «кардан» выглядаў шырэйшым разы ў тры. Я сказала пра гэта прадавачцы, маўляў, не, не мой фасон, на што тая мне адказала: «Гэтая спадніца глядзіцца на вас у разы прыгажэй, чым той кашмар, у якім вы прыйшлі».

«Я, бывае, і не пытаюся нічога, — расказвае яшчэ адна дзяўчына Ганна, — проста заходжу, гляджу, а прадавачка з парога: «Вы на сябе глядзіце? На вас нічога няма, у нас толькі маленькія памеры».

«У мяне нармальная фігура і не вельмі добры зрок, — скардзіцца Маша, — бывае, запытаюся, колькі каштуе рэч, якая вісіць здалёк, а мне адказваюць: «Ой, ну там жа напісана».

Заснавальніца школы этыкету Аксана Зарэцкая лічыць, што хамскія адносіны да купцоў — гэта банальная нявыхаванасць. Акрамя таго, на ўсёй постсавецкай прасторы існуе вялізная праблема з сэрвісам. 

Аксана Зарэцкая.

«Сэрвіс — якім мы захапляемся ў Еўропе, калі прыходзім у французскія магазіны ці італьянскія рэстараны, стаіць на трох нагах». 

Першая нага — гэта спагада да кліентаў.

«Трэба любіць сваю работу і сваіх кліентаў. Калі ты не любіш тое, што робіш, ты заўсёды будеш раздражнёны». 

Другая нага — гэта стандарты абслугоўвання. 

«Візуальны кантакт з пакупніком, словы вітання, спосаб прапанаваць свае паслугі — усё гэта ў прыстойных крамах, салонах, рэстаранах прапісваецца ва ўнутраных правілах. Дарэчы, да мяне ўсё часцей сталі звяртацца менавіта ўладальнікі салонаў прыгажосці, рэстаранаў, буцікоў. Сучасныя бізнэсоўцы разумеюць, што сэрвіс трэба выхоўваць». 

Трэцяя нага — гэта выхаванне, якое ідзе з сям'і, з культуры, з краіны. 

«Гэтаму, канечне, нам варта было б павучыцца ў французаў, у якіх ёсць такі выраз: «Art de vivre» — мастацтва жыць. У Беларусі, на жаль, кульгаюць усе тры нагі». 

Якая ж рэакцыя павінна быць у вас, калі з вамі па-хамску абышліся ў краме? 

«Ні ў якім разе не апускацца да ўзаемных папрокаў. Выкарыстоўвайце легальныя метады: кніга скаргаў, водгукі ў інтэрнэце».

Самае галоўнае пакаранне для прадаўца будзе тое, што вы сыдеце і знесяце грошы. 

«Памятайце, што пасля вас у гэтую краму прыйдуць людзі, таму праявіце актыўную грамадзянскую пазіцыю, раскажыце пра тое, што з вамі абышліся некарэктна, кіраўніцтву крамы». 

Наталля Тур, фота на застаўцы Волі Афіцэравай

Каментары
Человек / Адказаць 05.10.2018 / 18:21

Требовать в СМИ закрыть краму. в которой продавцы хамят покупателям или невежливо обслуживают, пусть на каждое недовольство выходит директор магазина и улаживает конфликт на месте, чтобы покупатели были довольны или защищает продавца, если покупатель первым начал хамить и что-то от продавца требовать, что тот покупателям не обязан, как "барыню" плясать с выходом из-за печки. Расскажет директор магазина что в его магазине продавцы должны делать, а что нет и покупатели будут знать в какой магазин ходить, а в какой нет.

2
Olka / Адказаць 05.10.2018 / 18:42

Хамский ответ - это еще цветочки. Я как-то в "Зеркале" на комаровском рынку купила достаточно дорогие полусапожки у ипэшницы. Дома внимательно рассмотрела и пришла к выводу, что обувь не той марки, за которую её выдавала продавец. Пришла вернуть с чеком и в оговоренное законом время и .... Что тут началось! И куда я сразу смотрела, и почему посмела прийти через 10 дней, а не сразу после покупки, и обувь фирменная, а я дура не разбираюсь и клевету навожу... Но самое главное, я пришла в первой половине дня и эта паскудная тетка, заявила, что она еще не наторговала и заставила меня ехать второй раз за деньгами! К сожалению, я не с ориентировалась тогда, как и куда мне пожаловаться на эту агрессивную хамку. Что примечательно, государственные крупные магазины принимают не подошедший товар обратно, даже за 5 минут до конца работы на 14 день после покупки. Так что теперь я не покупаю обувь у частников.

4
mmm / Адказаць 05.10.2018 / 19:24

Прагрэс ва узроуні абслугоўвання безумоўна маецца. Розніца нават у параўнанні з тым, што была 10 гадоў назад, вельмі істотная. Вядома, яшчэ засатюцца "выспы сацыялізму", але ж канкурэнцыя іх хутка павыціскае. Галасуйце грашыма.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура