Праект газеты
Дома Гатуем вяленыя таматы 13

Гэтым разам мы працягнем нашыя спробы захаваць смак лета і зробім з вамі вяленыя таматы. Я яшчэ не сустракала чалавека, якому б яны не спадабаліся — ідэальны варыянт на заедак, як дадатак да піцы ці макароны.

У краіне паходжання гэтай стравы, Італіі, таматы сушацца проста на сонцы на працягу некалькіх дзён. І хоць мы не можам пахваліцца такой жа колькасцю сонечных дзён, мы лёгка можам сябе папесціць іх кулінарным здабыткам. Усё, што нам спатрэбіцца, гэта таматы і цярплівасць, бо працэс вялення займае час.

Лепш за усё браць памідоры гатунку «сліўка» ці «дамскія пальчыкі», бо менавіта ў іх большы адсотак мякаці.

Нам спатрэбіцца:

  • 2 кг памідораў
  • 150 мл аліўкавага алею
  • 1 зубчык часнаку
  • 1 ч. л. віннага воцату
  • арэгана
  • соль

Памідоры мыем, рэжам на палавінкі, выдаляем пладаножку. Пасыпаем соллю і адстаўляем на некаторы час. Зліваем сок, які выдзеліўся з таматаў, прамакваем папяровым рушніком. Калі вы хочаце, каб таматы завяліліся хутчэй, можна выдаліць насенне і усю мякаць, пакінуўшы толькі сценкі. Але я асабіста пакідаю ўсё, мне здаецца, так яны больш смачныя. Выкладаем палоўкі на бляху з пергаментам, пасыпаем сухім арэгана і трохі апырскваем алеем.

Памідоры вялім 5—6 гадзін у духоўцы пры тэмпературы 100 градусаў з рэжымам канвекцыі (калі ёсць).

Робім заліўку, падобную на тую, што рабілі для перцаў у мінулы раз. Дробна рэжам часнок, змешваем яго з воцатам і алеем.

Гатовыя таматы зменшацца ў памеры і зменяць колер на больш цёмны. Перакладаем іх у слоік і заліваем заліўкай. Захоўваем у халадзільніку.

Духмяны алей, што застанецца ад таматаў, я потым выкарыстоўваю для іншых страў. Смачна есці!

Вольга Чарнова, фота аўтаркі

Каментары
Dub / Адказаць 22.09.2018 / 14:43

Aj, nie. Dziakuj. Aliej i vocat. Kislata - rasscaplialnik tluscau... Sto da caho ? Dy i u tamatach nicoha karysnaha nie zastajecca. Hetak mozna i hazetu parvac` na kavakli, skamkac`, dadac` casnyku, vinnaha vocatu, arehana, sol... Potym sklasci u sloik dy zalic` aliejem, upieramiesku z vocatam... I chaj potym chto nie pavieryc`, sto heta vialienyja tamaty... :)

10
хамса сушаная і вяленая / Адказаць 22.09.2018 / 15:17

навошта іх вяліть? і так завялі - восень жа

7
Генэрал Голад / Адказаць 22.09.2018 / 16:13

Не часнОк, не часнОк!! ЧАСНЫК! ЧАСНЫК! ЧАСНЫК!

8
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура