Праект газеты
Навокал «Ты [суддзя] хлус. Ты больш не з'явішся на маім корце, пакуль жывы»: Серэна Уільямс са скандалам прайграла US Open20

Японка Наомі Осака выйграла Адкрыты чэмпіянат ЗША па тэнісе, абыграўшы легендарную Серэну Уільямс. Але гледачам матч запомніцца, хутчэй, канфліктам раззлаванай амерыканкі і суддзяў падчас аднаго з самых драматычных фіналаў у гісторыі US Open.

Вырашальная сустрэча турніру ў Нью-Ёрку паміж Осакай (20-ы нумар пасеву) і Уільямс (17) завяршылася ў суботу з лікам 6:2, 6:4. 20-гадовая Осака, такім чынам, стала першай японкай, якая змагла заваяваць тытул на турніры серыі «Вялікага шлема». Па дарозе да фіналу яна выйграла ў беларусак Сасновіч і Сабаленка.

Серэна Уільямс адмовілася паціснуць руку суддзіКарласу Рамасу пасля матча.

36-гадовая амерыканка павіншавала Осаку з нечаканай перамогай, аднак увага публікі і журналістаў увесь матч была прыкутая да паводзін самой Серэны, якая некалькі разоў у рэзкай форме крытыкавала дзеянні рэферы.

«Мне шкада, што гэта павінна было скончыцца гэтак», — сказала заплаканая Осака пасля матча, перамогай якой былі задаволеныя далёка не ўсе гледачы матча.

Што адбылося?

У другім сэце суддзя на вышцы Карлас Рамас спачатку вынес 36-гадовай амерыканцы папярэджанне за падказку з боку трэнера Патрыка Муратаглу. Падобныя падказкі дазволеныя на турнірах WTA, але забароненыя на спаборніцтвах «Вялікага шлема».

Уільямс адмаўляла, што атрымала якія-небудзь парады ад трэнера, і заявіла суддзі, што «ніколі б не стала жульнічаць, каб выйграць, лепш ужо пацярпець паразу».

Зрэшты, француз пазней прызнаўся ESPN, што сапраўды падаваў знакі Серэне.

— Я рабіў падказкі, але не думаю, што яна глядзела на мяне, — сказаў Муратаглу. — Саша [трэнер Асакі Саша Баджын] таксама падказваў, усе так робяць».

Затым Уільямс была аштрафаваная на ачко пасля таго, як разбіла аб корт сваю ракетку пры ліку 3:2 у другім сэце.

Уільямс прыйшла ў лютасць, падбегла да Рамаса, стала крычаць на яго, натоўп крыкамі таксама падтрымліваў тэнісістку.

Jaime Lawson

Пасля гэтага раззлаваная Уільямс стала крычаць: «Ты хлус. Ты больш не з'явішся на маім корце, пакуль ты жывы. Калі ты прынясеш мне прабачэнні? Выбачайся!»

Суддзя палічыў словы спартсменкі абразай і пазбавіў яе гейма.

Працяг матча таксама суправаджаўся слязьмі і лаянкай з боку Серэны і свістам заўзятараў, і перамога Осакі на фоне ўсяго гэтага сышла на другі план.

Серэна Уільямс — нацыянальная ікона ЗША і адна з галоўных зорак тэніса ў свеце — атрымала вялікую падтрымку ад заўзятараў на стадыёне.

Аднак натоўп заціхаў, назіраючы за спакойнай гульнёй Осакі супраць шасціразовай чэмпіёнкі.

Осака, упершыню выступаючы ў фінале турніру «Вялікага шлема», ды яшчэ супраць свайго куміра, зусім не спалохалася агрэсіўнага падыходу Уільямс, які ў выніку прывёў да шматлікіх памылак амерыканкі.

Натоўп на стадыёне першапачаткова паважліва ставіўся да Осакі, у выніку быў відавочна нязгодны з мерамі Рамаса ў дачыненні да Уільямс, а ў другім, яшчэ больш драматычным, сэце гэта нязгода ператварылася ў сапраўдны гнеў.

Супрацоўнікі службаў бяспекі суправаджалі Рамаса, калі ён пакідаў корт. Больш партугалец туды не вярнуўся, хоць звычайна суддзя павінен прысутнічаць на ўзнагароджанні.

Свісткі з трыбун гучалі і падчас цырымоніі ўзнагароджання, і Осацы ледзь удавалася стрымліваць слёзы.

Бі-бі-сі

Каментары
Цынік / Адказаць 09.09.2018 / 09:44

Не здзіўлюся, калі левакі прыплятуць да гэтага расізм...

13
вася чэсных / Адказаць 09.09.2018 / 10:36

Весьма некрасивый поступок Сирены. Уходить и проигрывать нужно достойно. Звёздный статус не означает, что правила можно переписывать под себя. "Украла" победу у японки с помощью скандала. А молодой Осаке - респект.

2
mnb / Адказаць 09.09.2018 / 10:45

Её давно пора дисквалифицировать за неспортивное поведение, не взирая на все ее титулы.

7
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура