Праект партала
Рост
07.08.2018 / 20:56
Што мы слухалі ў ліпені — сем значных альбомаў месяца6

У адрозненне ад чэрвеня, другі летні месяц выдаўся не такім яркім на музычным фронце. Аднак і ў ліпені былі цікавыя рэлізы, на якія мы хочам звярнуць вашу ўвагу.

Years & Years — Palo Santo 

Другі альбом брытанскага сінці-поп гурта. У альбоме музыкі расказваюць пра населены андроідамі сусвет Palo Santo, што перакладаецца як «святое дрэва».

Deafheaven — Ordinary Corrupt Human Love

Чацвёрты альбом блэкгейз-гурта з Сан-Францыска натхнёны творам пісьменніка Грэма Грына «The End of the Affair». Deafheaven эксперыментуюць з гітарнымі матывамі і нашмат больш складанымі матэрыямі, гуляючы з атмасферай сваіх трэкаў.

Chelsea Grin — Eternal Nightmare

Увесну з гурта сышлі двое ўдзельнікаў, у тым ліку і вакаліст. Але абнавіўшыся, гурт захаваў арыгінальную назву, а ў ліпені выдаў новую плытку.

Асцярожна! Дэзкор — музыка не для ўсіх!

The Internet — Hive Mind

Пад гэты альбом можна шчасліва правесці канец лета і не баяцца ні дажджоў, ні спёкі. Удзельнікі The Internet пасля сольных пошукаў зноў сабраліся разам і запісалі адзін з найлепшых альбомаў лета.

Daron Malakian & Scars On Broadway — Dictator

У той час, калі фаны System Of A Down ужо амаль страцілі надзею на новы альбом культавага гурта, Дарон Малакян запісаў другі альбом свайго сайд-праекта Scars On Broadway.

Denzel Curry — TA1300

Альбом «TA1300» (TABOO) складаецца з трох частак. На кожнай Кары усё глыбей пагружаецца ва ўнутраны змрок.

Калі першы акт, гэта пераважна рамантычныя трэкі, няхай і з невясёлым пасылам, то фінал гучыць нібыта рэпер з'ехаў з глузду. 

Hybrid — Light Of The Fearless

Пяты ў дыскаграфіі і першы за восем гадоў альбом брытанскіх электроншчыкаў. Музыку Hybrid можна пачуць у шматлікіх галівудскіх фільмах. 

А што вы слухалі ў ліпені?

Піліп Каваленка

Каментары
LMI / Адказаць 08.08.2018 / 06:33

Усе як і раней, ужо прабачце, але прыхільнасьцяў не мяняю, ды й і запозна ўжо. А таму - Led Zeppelin, Deep Purple, Uriah Heep, Black Sabbath, Ozzy Osbourne, безумоўна Blues Rock, недзе Stoner Rock, Grunge, а бывала і незабываемы гурт ABBA

2
Хутар / Адказаць 08.08.2018 / 08:14

Таксама болей па старэнькаму. King Crimson канцэртаваў у Рыме, ў пінжаках, седзячы, але ў музычным плане трымаюць ранейшы ўзровень...

0
Алесь / Адказаць 08.08.2018 / 10:19

З-за павагі да Нівы я пазнаёмлюся з вашымі рэлізамі. Хоць гэта імёны, якія я чую ўпершыню. Мой ліпень прайшоў пад новы альбом ДДТ.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура