Праект партала
Рост
06.07.2018 / 11:07
Салігарчанін зняў дакументальны фільм пра сэксізм і «патрыярхальную дзіч» у беларускім футболе7

Журналіст Ягор Калеснік планаваў анансаваць выхад сваёй аўтарскай стужкі «Гуляе як дзяўчынка» ў жніўні, але апошнія падзеі, звязаныя з выказваннямі генеральнага сакратара Беларускай федэрацыі футбола Юрыя Вяргейчыка пра тое, што футбол — не жаночая справа, змусілі яго зрабіць гэта хутчэй.

«Я — свабодны журналіст, працую як ІП і даўно планаваў узяцца за дакументальныя фільмы DIY. Каля пяці год таксама працую футбольным каментатарам і назіраю, як губляецца цікаўнасць да беларускага «мужчынскага» футбола. У жаночым жа ўвогуле сітуацыя вельмі сумная. «Летась я пачаў шчыльна даследаваць розныя віды дыскрымінацыі ў сусветным футболе, а пасля вырашыў распавесці, як з гэтым ідуць справы ў нас», — расказвае Ягор.

Ягор Калеснік.

Зняць дакументальнае кіно Ягора дадаткова матывавала агульная сітуацыя з беларускім відэакантэнтам: «Я ўсё менш сустракаю якасных ролікаў, якія прымушаюць думаць, перажываць, мяняцца да лепшага. Затое ўсё больш бачу такія, дзе блогеры абмотваюць адзін аднаго харчовай плёнкай. Гэта прымушае дзейнічаць самому».

Рэжысёр, аператар і інжынер па мантажу ў адной асобе дадае, што хоць асноўная тэма стужкі — дыскрымінацыя ў дачыненні да футбалістак, у фільме шмат герояў-мужчын. Сярод іх — грамадзянскія актывісты, дзіцячы трэнер, арбітр, галоўны трэнер «Іслачы» Віталь Жукоўскі. Асобнай лініяй ідзе расказ пра праект «Здольная» і яго заснавальніцу Ганну Бандарэнка, якая праводзіць трэніроўкі па «нежаночых» відах спорту.

Пакуль у сеціве даступны толькі тызер будучай паўгадзіннай стужкі. Цалкам паглядзець фільм, па словах Ягора, можна будзе ўжо ў гэтым месяцы. Але канкрэтную дату ён пакуль не называе: перш, чым выкладаць матэрыял у адкрыты доступ, хлопец паспрабуе яго каму-небудзь прадаць.

КК

Каментары
Антызомбі / Адказаць 06.07.2018 / 11:36

Патрыярхат - не дзіч, а натуральны лад жыцця нашага грамадзтва. А дзіч - гэта калі новаяўленыя "прагрэсісты" меняюць свой гендар на 5 разоў на дзень.

21
несвободный журналист / Адказаць 06.07.2018 / 11:43

Интересно, что Егор умолчал о том, что в этом году он не комментирует и главное - по каким причинам. Успехов в продажах, но продать - не пальцами стукать по клавиатуре, что у Егора получается замечательно в отличие от реальных дел.

5
Ніпрашто / Адказаць 06.07.2018 / 11:45

На пачатку было слова і было яно у Бога. Убога. Убога...

4
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура