Праект партала
Рост
02.07.2018 / 15:20
Беларусь вылучае на «Оскар» фільм Дар'і Жук «Крышталь»10

Беларусь упершыню за 20 з лішнім гадоў вылучае сваю карціну на «Оскар». Пра гэта стала вядома 30 чэрвеня падчас сусветнай прэм'еры фільма Дар'і Жук «Крышталь» на кінафестывалі ў Карлавых Варах. Стужка будзе прэтэндаваць на ўзнагароду ў катэгорыі «Найлепшы замежны фільм».

Навіной падзялілася рэжысёр на сваёй старонцы ў Facebook, піша tut.by.

Дзеянне карціны адбываецца ў 90-я гады ў Беларусі. Маладая дзяўчына-дыджэй марыць з'ехаць у Амерыку, але робіць памылку ў заяве на візу. Цяпер яна вымушаная правесці тыдзень у невялікім завадскім мястэчку, каб не пазбавіцца шанцу на выкананне сваёй «амерыканскай мары». У фільме паказана панарама жыцця 90-х: моладзевыя падпольныя рэйвы, стыхійныя рынкі, мары маладых людзей пра эміграцыю і жыццё застылай ў часе правінцыі.

Здымкі фільма цалкам праходзілі ў Беларусі. Карціна створана ў сумеснай вытворчасці кінакампаній Беларусі, ЗША, Германіі і Расіі. Над фільмам працавала міжнародная здымачная група, галоўныя ролі ў стужцы выканалі расійскія акцёры Аліна Насібуліна, Іван Мулін, актрыса Купалаўскага тэатра Святлана Анікей.

Яшчэ на этапе вытворчасці фільм прыцягнуў увагу замежных кинапрафесіяналаў. «Крышталь» быў прадстаўлены ў рамках міжнародных фестываляў у Нью-Ёрку (ЗША), Котбусе (Германія) і Таліне (Эстонія). На апошнім праца Дар'і Жук атрымала прыз за найлепшы кінапраект.

Рэжысёр Дар'я Жук нарадзілася ў Мінску, вучылася і жыве ў ЗША. Скончыла Гарвардскі і Калумбійскі універсітэты, працавала на канале HBO, зняла некалькі кароткаметражных фільмаў, якія сталі ўдзельнікамі і лаўрэатамі міжнародных кінафестываляў. Адзін з іх, «Сапраўдная амерыканка», быў адзначаны дыпломам Мінскага міжнароднага кінафестывалю «Лістапад» у 2015 годзе.

53-і міжнародны кінафестываль у Карлавых Варах праходзіць з 29 чэрвеня па 7 ліпеня. У апошні раз Беларусь была прадстаўлена ў конкурснай праграме фестывалю ў 2004 фільмам «Акупацыя. Містэрыі» Андрэя Кудзіненкі.

Выхад фільма «Крышталь» у Беларусі чакаецца 30 жніўня.

Нагадаем, што ў 1994 Беларусь вылучала на «Оскар» карціну «Я - Іван, ты - Абрам» рэжысёра Іяланды Зоберман, а ў 1996 - фільм «З пекла ў пекла» Дзмітрыя Астрахана. З таго часу ніводзін фільм не вылучаўся краінай на «Оскар».

Каментары
Гумберт Гумберт / Адказаць 02.07.2018 / 16:09

С оскаром в этой номинации уже все понятно заранее: Павликовский со своей "Холодной войной" возьмет статуэтку. Скриньте. А Дарье, тем не менее, удачи.

9
Шабаны / Адказаць 02.07.2018 / 17:15

Дарья — девушка из престижной семьи, если бы родители не стелили ей дорогу и не поднимали связи в свое время, не было бы ни Гарвардского, ни Колумбийского университетов. Это мало кому здесь доступно. Но, тем не менее, молодец. Родителей она не подвела. И память деда не опозорила.

4
Нінка / Адказаць 02.07.2018 / 19:05

На Еўрабачанне Беларусь таксама вылучае кожны год, і кожны год перадапошняе месца. Затое як гучыць, вылучае на Оскара, як быццам яго ўжо атрымалі! Яшчэ трэба пазмагацца трапіць у намінацыю, а мяркуючы па трэйлеру, шанцаў ніякіх 200 працэнтаў. 

7
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура