Праект партала
Тое-сёе
08.06.2018 / 21:37
Распрацаваны беларусамі «жаночы» дадатак выходзіць у лідары па колькасці ўстановак на платформах IOS і Android4

Дадатак для адсочвання менструальных цыклаў Flo, распрацаваны камандай Дзмітрыя Гурскага, выходзіць на першыя пазіцыі па колькасці ўстановак на платформах IOS і Android. Пра гэта паведамляе Дзмітрый Гурскі ў сваім фэйсбуку.

Паводле дадзеных App Annie у маі дадатак быў самым папулярным (па колькасці ўстановак) у раздзеле Health and Fitness платформы IOS у свеце, абагнаўшы Fitbit або MyFitnesPal. На Андроід у Flo — 4 месца ў свеце. Па колькасці ўстановак на платформах — трэцяе месца ў свеце.

«Думаю, даволі хутка Flo можа атрымаць першае месца на абедзвюх платформах», — упэўнены Гурскі.

Па памеры месячнай актыўнай аўдыторыі толькі адзін прадукт у свеце ў катэгорыі Health and Fitness апярэджвае Flo, але яму 8 гадоў (MyCalendar).

Flo — «першы жаночы каляндар месячных і авуляцыі, які выкарыстоўвае нейронныя сеткі». Па словах распрацоўшчыкаў, штучны інтэлект улічвае персанальныя характарыстыкі карыстальніка, выбудоўваючы прагнозы да 50 адсоткаў дакладней, чым традыцыйныя статыстычныя мадэлі.

Каментары
Студэнты філфака БДУ / Адказаць 08.06.2018 / 22:14

Калі маецца на ўвазе application, то па-беларуску гэта будзе проста «праграма».

• мобильное приложение — мабільная праграма
• офисные приложения — офісныя праграмы; офісны пакет

Перасцеражом ад ужывання слова «дадатак», бо гэта відочная калька з расейскай мовы. Па-беларуску «дадатак» — тое, што прыкладаецца, дадаецца да нечага: дадатак да часопіса, дадатак да заявы і г. д. Наўрад ці будзе слушна называць так камп’ютарную праграму.

0
--- / Адказаць 08.06.2018 / 23:09

супер! вось гэта карысная рэч для усяго чалавецтва. а не тое што нейкія гулькі-праграмулькі дзе людзям звярыныя лычы прыклейваюць

1
Беларусь рулит! / Адказаць 09.06.2018 / 02:50

И так было и будет всегда. Вот уже и ШОС мы научим сейчас жить! А КНР с США в вопросе дружбы новой с РФ - нашим же снова Путём пошли же...

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура