Праект газеты
Тое-сёе Замежны эксперт прапаноўвае пытацца ў дзіцяці дазволу на змену падгузка — навошта? І што думаюць пра гэта айчынныя спецыялісты?5

З заявай прасіць у дзіцяці дазволу, перш чым змяніць падгузак, выступіла сэкс-педагог Дэйн Карсан. На яе думку, такія паводзіны з дзяцінства фарміруюць «культуру згоды» (гэта ў будучыні дапаможа выразна дасылаць сігналы нязгоды на нейкае дзеянне, нават калі ідзе гаворка пра сэксуальны гвалт).

Пра гэта напісала выданне The Independent.

Дэйн Карсан.

Дэйн рэкамендуе бацькам заўсёды задаваць дзецям пытанне: «Я збіраюся змяніць твой падгузак, добра?». Вядома, малы не зможа адказаць: «Так, мам, гэта выдатна, я б хацеў, каб ты памяняла мне падгузак». Але экспертка ўпэўненая, калі вы зробіце паўзу, дачакаецеся мовы цела і ўсталюеце глядзельны кантакт, вы дазволіце дзіцяці разумець, што яго адказ мае значэнне. Па словах Карсан, якая працуе як педагог з дзецьмі ад трох год, чым раней бацькі возьмуць гэта сабе за правіла, тым лепш.

Ілюстрацыйнае фота. Крыніца babyzakaz.ru.

Прапанова Карсан разляцелася па многіх сусветных СМІ і ў шмат каго выклікала неўразуменне.

Педыятр-рэаніматолаг Зміцер Салошкін, да якога мы звярнуліся па каментар, таксама здзівіўся такой незвычайнай парадзе.

«У мяне складваецца ўражанне, што сёння існуе пэўная тэндэнцыя, калі людзі свае дарослыя тэорыі адзін у адзін перакладаюць на дзяцей. Без даследаванняў, якія б іх пацвярджалі. Проста нехта адзін самы напорысты закідвае ідэю ў масы, а бацькі яе падхопліваюць, каб выглядаць прасунутымі. Як бацьку чатырох дзяцей мне цікава было б паглядзець, як гэта выглядае: пытаць у малога дазвол на гігіенічную працэдуру. Ёсць жа натуральныя рэчы, якія бацькі робяць, бо гэта іх абавязак. І калі падгузак сапраўды трэба замяніць, а дзіцяці неяк падасць сігнал «не», то як яго угаворваць? Да трох год у дзяцей яшчэ фарміруецца адчуванне сябе як асобы, са сваімі жаданнямі і іх адсутнасцю. Да трох жа год яны атаясамліваюць сябе з маці ці з тым, хто побач. Канечне, нічога дрэннага ў тым, каб час ад часу пытацца ў дзіцяці пра яго згоду, няма. Хай у яго ў галаве адкладваецца, што з ім лічацца. Але калі рабіць гэта кожны раз, калі мяняеш падгузак, гэта ўжо неадэкватна», — пракаментаваў доктар.

Nina.nn.by

Каментары
!) / Адказаць 11.05.2018 / 20:02

Очень интересная тема....

0
Не менчук / Адказаць 11.05.2018 / 20:47

Хмм. Чувствуб что это "феменистка". Даже не знаю почему. Что-то есть такое

2
42 / Адказаць 12.05.2018 / 05:42

@Не менчук, в австралии как и во всем западе - феминизм процветает, у этой госожи и своих детей небось нет. Все эти коучи такие, учат тому чего сами не умеют.

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура