Праект газеты
Навокал Студэнтак у Замбіі просяць не хадзіць у бібліятэку «паўаголенымі»12

Dzikina Muzeia

Адзін з вядучых універсітэтаў Замбіі заклікаў дзяўчат-студэнтак не хадзіць у бібліятэку «паўаголенымі», бо гэта адцягвае мужчын ад навучання, паведамляе Бі-бі-сі.

Гаворка ідзе пра ўніверсітэт у сталіцы Замбіі, горадзе Лусака. У бібліятэцы гэтай навучальнай установы павесілі аб'яву з заклікам апранацца сціпла.

Замбія з'яўляецца кансерватыўнай краінай. Але студэнты ва ўніверсітэце, як правіла, апранаюцца сучасна, паведаміў Бі-бі-сі Кэнэдзі Гондве.

«Мы звярнулі ўвагу, што некаторыя дзяўчаты-студэнткі апранаюцца смела і прыходзяць у бібліятэку паўаголенымі. Гэтая сітуацыя замінае мужчынам», — гаворыцца ў паведамленні ў бібліятэцы.

«Таму раім жанчынам апранацца сціпла, калі вы знаходзіцеся ва ўніверсітэцкіх установах. Сціпласць — гэта правільны шлях!».

Некаторыя студэнткі не пагадзіліся з гэтым распараджэннем.

«Калі вы ідзяце ў бібліятэку для таго, каб вучыцца, навошта звяртаць увагу на нешта іншае, напрыклад, на жаночыя ногі?» — кажа студэнтка трэцяга курса Дзікіна Музея.

«Проста засяродзьцеся на сваіх кнігах, вось і ўсё», — дадала яна.

Аднак студэнт Кіліян Фіры так пракаментаваў гэты крок: «Вы ведаеце, наколькі прывабнае жаночае цела».

«Як можна засяродзіцца на вучобе, калі нехта ходзіць у міні-спадніцы або тонкай сукенцы? Вы пачынаеце думаць пра іншыя рэчы, і не зможаце сканцэнтравацца», — сказаў ён ВВС.

Каментары
Милюхер / Адказаць 08.05.2018 / 10:29

Кніжка ў сумцы Лусака ў думцы...

0
Лацінка / Адказаць 08.05.2018 / 10:43

Можа "адзявацца"? У Замбіі горача ды яшчэ ў бібліятэцы, а вы напісалі "апранацца". У кажухі і паліто?

1
LMI / Адказаць 08.05.2018 / 10:48

Дзе тут паўаголеная ????????????????

2
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура