Праект партала
Стасункі
06.05.2018 / 07:47
Віцебск стаў першым абласным цэнтрам, дзе разводзяцца часцей, чым жэняцца43

Дадзеныя Белстата за першы квартал 2018 года зафіксавалі ў некаторых гарадах краіны незвычайную з’яву — колькасць разводаў тут перавысіла колькасць шлюбаў.

Падчас выставы вясельных паслуг у Мінску. Фота Сяргея Гудзіліна.

За першыя месяцы года ў Віцебску было зарэгістравана 378 шлюбаў і 435 разводаў. Год таму за такі самы перыяд сітуацыя была амаль адваротная — 436 шлюбаў і 354 разводы.

З буйных гарадоў падобная дыспрапорцыя была зафіксавана яшчэ ў Пінску (122 шлюбы і 133 разводы) і Жодзіна (65 шлюбаў і 68 разводаў).

У іншых рэгіёнах шлюбаў усё яшчэ больш, але розніца паміж вяселлямі і разводамі змяншаецца.

Што стала прычынай такой з’явы і чаму, найхутчэй, яна будзе фіксавацца ўсё часцей?

Паводле статыстыкі, хлопцы бяруць першы шлюб у сярэднім у 28 гадоў, а дзяўчаты — амаль у 26 гадоў. Такім чынам, цяпер у ЗАГС ідуць тыя, хто нарадзіўся ў 1990-1992 гадах. Гэта час, калі Беларусь пачала падаць у дэмаграфічную яму.

То бок цяпер натуральным чынам бракуе тых, хто збіраецца жаніцца.

Найбольшая колькасць шлюбаў распадаецца праз 2 гады пасля вяселля. Гэта значыць, што разводзяцца тыя, хто нарадзіўся ў «багатыя» 1988-1990 гады. А такіх людзей зноў-такі натуральна шмат.

Браніслаў Юрэвіч

Каментары
Centurion / Адказаць 06.05.2018 / 08:04

Вынік бязглуздай сямейнай прапаганды, калі грамадзкая думка тупа прымушае бегчы ў шлюб і рабіць дзяцей

21
верашчака / Адказаць 06.05.2018 / 08:04

Затое віцяблянкі вельмі прыгожыя,дагледжаныя,адданыя сяброўкі,тэмпераментныя палюбоўніцы... Толькі,на жаль,не вельмі дбайныя гаспадыні і не вельмі адказныя маці

33
Forrest Gump / Адказаць 06.05.2018 / 08:19

На кiраунiка нейкай дзяржавы пазычце

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура