Праект газеты
Рост Топ-10 беларускамоўных песень-казак для дарослых і дзяцей, у якіх схаваны цэлы сусвет9

Калі вы яшчэ не чулі пра існаванне такога музычнага праекта, як «Агатка», створанага вакалісткай гурта «BY CRY» Аляксандрай Грахоўскай, то раім паслухаць усёй сям’ёй і атрымаць сапраўдную асалоду ад гэтых, на першы погляд, дзіцячых песень, у якіх знойдуць шмат сэнсу і дарослыя. 

Аляксандра Грахоўская.

Аляксандра Грахоўская вядомая многім як удзельніца «BY CRY», сёння гэты гурт з’яўляецца яе асноўнай творчай дзейнасцю. Дзяўчына таксама працуе мастацкім кіраўніком і дырыжорам народнага хору ветэранаў у Палацы культуры МАЗ. Аляксандра — артыстка фальклор-тэатра «Госціца» і былая ўдзельніца тэатра танца «Karakuli». Яе выкананне «Свадзебкі» Ігара Стравінскага ў складзе «Госціцы» стала адной з самых адметных культурных падзей Беларусі 2008 года.

Калі ў Аляксандры нарадзілася дачка, яе творчасць пачала новы віток.

«З нараджэннем Агаты я актыўна пачала шукаць беларускія дзіцячыя песні, якія можна было б даваць ёй слухаць. Нармальных знаходзіла мала. Былі адзіны любімы «Дзед Барадзед» і заслуханыя калыханкі, але гэтага не хапала. І я пачала сама ствараць дзіцячыя песні. Гэты казачны свет прыйшоўся даспадобы мне нават больш, чым дачцэ. Там неверагодна», — расказвае Аляксандра.

Маладая маці звярнулася да творчасці Андрэя Хадановіча, Івана Бурсава, Сяргея Новіка-Пеюна, Алега Старынчыка і іншых літаратараў, што ствараюць дзіцячую паэзію, а таксама да народных твораў.

Быў час, калі музычны праект «Агатка» існаваў у жывым складзе: з музыкамі і рэпетыцыямі. Сёння гэта больш «хатні» праект: у запісах на дамашняй студыі ўдзельнічае сама Саша і яе шасцігадовая дачка. У будучыні, кажа Аляксандра, ёй хацелася б, каб усе дзіцячыя песні выконвала выключна Агата. Хаця, калі шчыра, гэтыя трэкі зусім не выглядаюць дзіцячымі — тут цэлы сусвет адкрываюць для сябе і дарослыя.

Цяпер Аляксандра і Агата працуюць над стварэннем музычнай азбукі на вершы Віктара Кажуры: ужо запісалі песні на А-Е. 

Кацярына Карпіцкая

Каментары
:) / Адказаць 04.02.2018 / 16:44

Не нужно навязывать выдуманный белорусский язык. у которого другая мелодика и звучание. чем разговорной речи и всех диалектах. У нас действительно много слов. которые похожи на русские. российская империя была и большая близость к России, чем у той Польши. которая сейчас Польша. Не переходят белорусы на выдуманный язык. который создали. навыдергивая самых необычных слов. у нас необычные слова в разных диалектах не в таком большом количестве. когда это еще слова из разных языков, а не что-то звучащее совсем по-особенному, что есть во всех диалектах. но если только из этого делать белорусский язык. то на нем белорусы не хотят разговаривать. хоть могут слушать в каком-то театре. если что-то дельное говорят, но не какие-то сказки. которые можно рассказать детям на привычном для них языке. Рассказывать детям сказку и объяснять слова - это уже не удовольствие для ребенка. а урок какого-то языка. когда нужно слова запоминать, что лучше с английским языком делают в то время. когда у них хорошая способность к языкам. так как они ни одного языка хорошо не знают и период развития речи и запоминания слов.

57
Алек.RU / Адказаць 04.02.2018 / 20:03

:), большага глупства i бздуру не прыдумаць

2
Сяржук Вінаградаў / Адказаць 04.02.2018 / 20:16

Сучасная беларуская літаратурная мова канечне ж ня ёсьць "выдуманай". Яна мае тры выдатна задакумэнтаваныя крыніцы, сярох якіх - літаратурная мова вялікалітоўскага пэрыяду, беларускія дыялекты і сучасная моватворчасьць. Пра багатую гісторыю й цудоўную распрацаванасьць беларускае (русінскае) мовы казаў яшчэ Адам Міцкевіч ажно два стагодзьдзі таму! Гісторыя асобных беларускіх словаў падрабязна засьведчаная ў слоўніках: напрыклад, у слоўніку "Словарь белорусского наречия" Івана Іванавіча Насовіча (1870 г.), альбо ў сучасным трыццацітомным (!) "Гістарычным слоўніку беларускай мовы". Зразумела, што ў беларускай мове зьяўляюцца і новыя своеасаблівыя словы, а як жа бязь іх у жывой мове? Наконт дзяцей: у раннім дзяцінстве чалавеку ня трэба ўвесь час перакладаць і тлумачыць, бо засваеньне моваў нават у шматмоўным асяродзьдзі адбываецца арганічна. Вось у гэтым і палягае важнасьць гэткіх праектаў: знаёмства зь беларушчынай з маленства. Важная й карысная праца! Дзякуй Нашай Ніве за спасылкі.

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура