Праект партала
Навокал
23.01.2018 / 21:40
У Мінску на паўдня адкрыюць рэстаран са сняданкамі па 5 рублёў — меню5

Першы рэстаран у фармаце pop-up — «з’явіўся і знік» — запрацуе ў сталіцы 25 студзеня. У наведнікаў будзе ўсяго адзін дзень, дакладней, час да абеду, каб пакаштаваць дзевяць лёгкіх сняданкаў. У 9.00 ёгурт-бар адкрыецца, а ўжо ў 14.00 — назаўжды зачыніцца, таму столікі лепш браніраваць загадзя. Любы сэт плюс кава ці гарбата з малінавым варэннем і лёгкі ёгурт «Актывія» будуць каштаваць роўна 5 рублёў.

Бонус: падчас сняданку можна будзе пагутарыць з гімнасткай Мелітай Станютай, мастакамі Нікай Сандрас і Міцем Післяком, бізнэсоўкамі Святланай Зэрэ і Юліяй Кур’ян. Усе яны адгукнуліся на прапанову правесці час з наведнікамі ёгурт-бара, бо самі ўпэўненыя, што рэгулярна снедаць — гэта карысна і зусім не складана.

Стваральнікі аднадзённага рэстарана арганізуюць барную стойку з кактэйлямі і падрыхтуюць дзясятак столікаў для паўнавартаснага, але лёгкага і хуткага сняданку. Абяцаюць, што ежу прынясуць за 5 хвілін, а ўвесь сняданак зойме не больш за паўгадзіны. Зарэзерваваць столік можна тут.

Наведнікам прапануюць пакаштаваць сняданкі, якія звычайна сабе гатуюць беларускія зоркі. 

Салата з садавінай Святланы Зэрэ

Долькі марынаванага персіка і кавалачкі печыва з мядова-ёгуртавай запраўкай і лісцікамі мяты.

Брускета Юліі Кур'ян

Хрумсткі пшанічны хлеб з саломкай са свежага агурка і вяндліны, запраўлены ёгуртам з зернямі гарчыцы і арэхамі.

Мюслі Меліты Станюты

Злакавыя мюслі, запраўленыя ёгуртам з кавалачкамі саспелай хурмы.

Тосты Машы Пагарэлавай, Паліны Краўцовай і Сандры Бондар

Салёна-салодкая пара тостаў: з лустачкамі астуджанага ласося на лістах салаты пад ёгуртава-травяной запраўкай і з бананава-ёгуртавай запраўкай з міндалём і шакаладам.

Вафлі Нікі Сандрас

Лёгкія вафлі з мядова-ёгуртавай праслойкай, кавалачкамі сакавітай грушы і рэзкай затаўкай.

Смузі Аляксандры Віторскай, Карыны Момат і Яўгеніі Цюленевай

Здробненыя кавалачкі банана, мюслі і лясныя ягады, аб'яднаныя ёгуртам і ўзбітыя ў густую пену.

Шматкі з ёгуртам і амерыкана Аляксандра Чарнухі, эспрэса Сяргея Маліноўскага або капучына Ганны Яфрэменка

Аўсяныя шматкі з садавіной, ёгуртам і яблычна-арэхавым топінгам з цынамонам.

Сняданак вегетарыянца Міці Післяка

Долькі цукіні на свежым багеце ў ёгуртавай чылі-запраўцы.

Мода на ўстановы аднаго дня прыйшла з ЗША. Гэта можа быць не толькі рэстаран, але і, напрыклад, брэндавая крама, што раптоўна з’яўляецца ў абсалютна нечаканым месцы. Для аднадзённай установы як правіла абіраюць незвычайную канцэпцыю: у меню можа быць адна, але незвычайная страва, замест шэф-повараў — вядомыя артысты ці, як у выпадку з ёгурт-барам «Актывія», удзельнікі руху #завтракатьлегко, якія агітуюць рэгулярна снедаць.

Першай пра свой ідэальны сняданак пад гэтым хэштэгам у сацсетках распавяла Таццяна Кір’янава, аўтарка фудблога. Яна і стала кулінарным кансультантам pop-up бара «Актывія».

«Рэакцыя ў сацыяльных сетках паказвае, што шмат людзей упэўненыя: снедаць — сапраўды лёгка і карысна. Мы хочам нагадаць, як важна есці раніцай, і зрабіць зноў папулярным тое, пра што мы чамусьці забываем так часта ў ранішняй спешцы. Дарэчы, ёсць цікавая статыстыка: каля 25 адсоткаў мінчукоў не снедаюць. Хоць вядома, што менавіта рэгулярны сняданак дае нам добрае самаадчуванне і лёгкасць на працягу дня, — тлумачыць ідэю аднадзённага ёгурт-бара яго арганізатарка, прадстаўнік брэнда «Актывія» Аляксандра Харольская.

Рэстаран будзе працаваць адзін дзень на першым паверсе гандлёвага цэнтра «Галерэя Мінск».

Nina.nn.by

Каментары
Юля / Адказаць 22.01.2018 / 00:53

Обыкновенная реклама российского йогурта)

2
0 / Адказаць 23.01.2018 / 22:12

А паўдзённы сняданак - гэта для каго?

0
Алег / Адказаць 23.01.2018 / 23:49

0 , , не для Вас.

1
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура