Праект партала
Дома
29.12.2017 / 14:14
Дзесяць адэкватных падарункаў за 10 рублёў — і не дорага, і не сорамна ФОТЫ 6

Працоўны дзень ішоў як звычайна, а тут калегі ў офісе прымусілі вас гуляць у сакрэтнага Санту? Наша падборка для вас і тых, каму трэба тэрмінова набыць добры падарунак за 10 рублёў.

1. Зіма — час, калі любому патрэбны вітаміны і мінералы. Падбярыце вітамінны комплекс у бліжэйшай аптэцы, і карысны падарунак гатовы!

Фота pikabu.ru.

2. Партатыўная зарадная прылада для мабільнага тэлефона — ідэальна для тых, чый шалёны рытм жыцця не дазваляе доўга сядзець на адным месцы побач з разеткай.

Фота alloplus.by.

3. Адпраўце калегу ў кіно! Бюджэт дазваляе набыць цэлыя 2 квіткі на некаторыя сеансы.

Фота falconclub.by.

4. Пакунак добрага кітайскага ўлуну будзе радаваць вашага калегу сваім водарам, а калі вы сябруеце, то яшчэ і вам кубачак перападзе!

Фота gourmet-style.ru.

5. Парачка ўпрыгожванняў ручной работы з тэрмамазайкі — свежы погляд на елачныя цацкі.

крыніца: instagram.com/brestskaja_sha

6. Невялікая настольная гульня — добры варыянт не толькі для застолля, але і для вандроўкі з сябрамі.

Фота symbal.by.

7. Кніга — найлепшы падарунак. А графічныя кнігі, ці коміксы — гэта яшчэ і модна! 

Фота blog.mann-ivanov-ferber.ru.

8. Пернік-размалёўка — цікавы варыянт для тых, хто любіць творчасць, а потым яшчэ паесці.

Фота instagram.com/prishizojka.

9. Падарункавы сертыфікат у любую краму. Калі вы хочаце падарыць больш, але не маеце магчымасці, то вазьміце сертыфікат на невялікую суму. Потым чалавек абярэ сабе падарунак у краме і даплаціць розніцу самастойна.

Фота romanovskaya.com.ua.

10. Пульт для сэлфі! Тут і тлумачыць нічога не трэба: цяпер усе будуць змяшчацца цалкам на групавых фота ў вашым офісе.

Фота marketru.ru.

Воля Афіцэрава

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура